McGregor: Nëse nuk ndodh meçi me Mayweather, do të ndeshem me Pacquiaon (Video)

Kampioni i dyfishtë i UFC-së, Conor McGregor, është shumë i vendosur që të vihet përballë Floyd Mayweatherit, saqë po mundohet në çdo aspekt që “ta detyrojë boksierin” të hyjë në ring me të.

Javë më parë ishte raportuar se dyshja kishin arritur marrëveshje për duelin e shumëpritur, pasi irlandezi kishte udhëtuar në Las Vegas për të arritur marrëveshje me përfaqësuesit e kampionit amerikan.

Lexo po ashtu Mayweather kërkon nga McGregor që t’i zgjidhë problemet me UFC nëse e do duelin mes tyre

Mirëpo, Mayweather e ka mohuar arritjen e marrëveshjes duke thënë se shefat e UFC-së nuk po e lejojnë që të ndodhë përballja.

McGregor vazhdon të mendojë se ka aftësi për t’u bërë njeriu i parë që e mposht pesë herë kampionin e boksit, njofton Telegrafi.

Për këtë arsye, ai po vazhdon të drejtojë akuza në adresë të Mayweather, ndërsa ka pohuar se nëse nuk ndodh meçi me të, ai do të përballet me një prej ish-kundërshtarëve të boksierit, në veçanti me Manny Pacquiaon, për të cilin thotë se Floyd nuk ka arritur ta mposhtë.

“Mendoj se (dueli me Mayweather) është diçka që e duan të gjithë, është diçka që ka shumë kuptim”, McGregor për revistën GQ.

“Mirëpo, nuk e kam problem që të përballem dhe ta rrah njërin prej kundërshtarëve të tij që ai nuk ka arritur t’i mposhtë”, ka shtuar më tej irlandezi. /Telegrafi/

https://www.instagram.com/p/BQyAlyng-Id/?r=mg1