Kanë përfunduar 45 minutat e parë në duelin që Kosova po e zhvillon ndaj Andorrës në kuadër të kualifikimeve për Euro 2024.
Dardanët e nisën ndeshjen më mirë, duke sulmuar ekipin mysafir që luante humb mbrapa.
Shansi i parë për Kosovën erdhi në minutën e tetë, kur Vedat Muriqi gjuajti me kokë, por kishte shkaktuar faull më herët.
Edhe në minutat në vazhdim, Andorra u mbrojt me të gjitha forcat në mbrojtje, duke mos arritur të kalojnë as gjysmën e tyre të fushës.
Në minutën e 21-të, Milot Rashica pasoi te Arbër Zeneli, por ky i fundit nuk arriti të shënonte nga një pozitë ideale.
Deri në fund të pjesës së parë, Kosova vazhdoi me sulme në drejtim të portës mysafire, derisa Muriqi (44') kishte një mundësi të artë shënimi, por portieri Iker Alvarez e stopoi atë.
Në 45 minutat e dytë me gjasë do të ketë së paku një gol, duke parë angazhimin e madh të lojtarëve tanë që të tundin rrjetën e Andorrës. /Telegrafi/
