Liverpooli ka arritur të marrë një fitore mjaftë të vështirë në Anfield Road ndaj West Ham United në kuadër të javës së 27-të në Ligën Premier me rezultat 3-2.
The Reds kaluan në epërsi pas vetëm nëntë minutash lojë me anë të Georgino Wijnaldum që u asistuam në mënyrë perfektë nga Trent Alexander-Arnold.
Por, ‘Çekanët i barazuan shifrat pak minuta me vonë me anë të Issa Diop (12), që u shërbye nga Robert Snodgrass.
Liverpool vs West Ham (Foto: Clive Brunskill/Getty Images/Guliver)
Pjesa e parë përfundoi me këtë rezultat, derisa në të dytën u shënuan edhe treg gola të tjerë.
West Hami e përmbysi rezultatin në minutën e 54-të me golin e shënua nga Pablo Fornals me një asistim të Declan Rice.
Mirëpo, The Reds nuk u dorëzuan deri në fund dhe arritën t’i barazonin shifrat me golin e Mohamed Salah (68’), që u gjet mjaftë mirë nga Andy Robertson.
Liverpool vs West Ham (Foto: Clive Brunskill/Getty Images/Guliver)
Kur u mendua se skuadra e Jurgen Klopp po merrte një barazim, Sadio Mane në minutën e 82-të e riktheu epërsinë për skuadrën e tij, derisa Alexander-Arnold ishte sërish në rolin e asistuesit.
Liverpooli vazhdon i pamposhtur edhe pas javës së 27-të në Ligën Premier me 79 pikë si lider, ndërsa në xhiron e 28-të do të takohen me Watfordin. /Telegrafi/
https://twitter.com/D9INE_NEXUS_F1/status/1232051723365019648
https://twitter.com/D9INE_EUROPE/status/1232057416067366913
