Mospërmbushja e obligimeve financiare ndaj avokatëve ka bërë që pas një muaji, mbrojtja ligjore e Hashim Thaçit, i akuzuar për krime lufte nga Gjykata Speciale, të reduktohet në një avokat.
Ministria e Drejtësisë i ka paguar ekipit mbrojtës të Thaçit mbi 3.5 milionë euro, por kjo shumë duket e pamjaftueshme.
Në një komunikatë për media ditë më parë, fondacioni “Përkrahje për Mbrojtjen Juridike të Hashim Thaçit”, shprehu shqetësimin rreth udhëzimit të ri administrativ të Ministrisë së Drejtësisë dhe ndërprerjen e kontratës së ekipit mbrojtës të Thaçit.
Pas një muaji, ish-presidenti i Kosovës, Hashim Thaçi, do të mbrohet vetëm nga një avokat.
Kjo pasi ekipi mbrojtës i Thaçit, në krye me avokatin kryesor Gregory Kehoe, ka kërkuar tërheqjen nga përfaqësimi i tij në Dhomat e Specializuara në Hagë.
Shkak për këtë është bërë mospërmbushja e obligimeve financiare.
Ndonëse Ministria e Drejtësisë ia ka paguar ekipit mbrojtës të Thaçit mbi 3.5 milionë euro, kjo po duket e pamjaftueshme.
Lidhur me këtë, MD-ja ka thënë se kjo bëhet në përputhje me legjislacionin në fuqi dhe se pagesa bëhet vetëm për avokatët me të cilët ka marrëveshje.
Por kjo ministri, sipas ndryshim-plotësimit të Udhëzimit të ri Administrativ, i cili më 30 janar 2024 ka përfunduar konsultimin publik, parasheh kategorizime dhe limitet e pagesave për avokatët mbrojtës në bazë të rastit që kanë, ku vlera më e lartë arrin në 110 mijë euro për muaj.
Për këtë, avokatët e akredituar në Dhomat e Specializuara në Hagë thonë se ndryshimet në udhëzim mund të ndikojnë në procesin gjyqësor ndaj Thaçit dhe të tjerëve.
“Mund të ndikojë sepse avokatët edhe në të kaluarën edhe tani kërkesat e tyre ka qenë shumë të mëdha për pagesat e MD-së dhe normal që do t’ua vështirësojë punën klientëve dhe avokatëve të tyre nëse nuk kanë dhe atëherë duhet të shihet një alternativë tjetër ose nga fondet e veta ose të kërkojnë edhe prej gjykate që sipas detyrës zyrtare t’ia financoi mbrojtësit e tyre”, tha Taulant Hodaj, avokat.
Kjo nuk është hera e parë që avokatët e Thaçit tërhiqen dhe kjo sipas Hodajt, është interesante.
“Po është interesante kjo po përcillet nga avokatët e Thaçit të cilët kanë dhënë dorëheqje dhe kjo nuk është mirë për procesin”, tha Hodaj.
Ndërkohë, në një komunikatë për media ditë më parë, fondacioni “Përkrahje për Mbrojtjen Juridike të Hashim Thaçit” ka shprehur shqetësimin rreth Udhëzimit të ri Administrativ të Ministrisë së Drejtësisë dhe ndërprerjen e kontratës së ekipit mbrojtës të Thaçit.
Për këtë udhëzim MD-së ka reaguar edhe Këshilli për Mbrojtjen e të Drejtave dhe Lirive të Njeriut. Sipas tyre, udhëzimi shkel rëndë të drejtat e njeriut të personave të privuar nga liria në Hagë, duke ua pamundësuar mbrojtjen efektive, si njëra ndër të drejtat elementare të njeriut.
E nga Ministria e Drejtësisë kanë thënë se me këtë udhëzim synohet të përmirësohen të gjitha mangësitë e identifikuara deri më tani në kuadër të legjislacionit ekzistues.
“Në këtë Udhëzim Administrativ është bërë rishikimi i tarifave, gjë e cila është bërë në konsultim me ekspertët dhe është në interes të Republikës së Kosovës”.
Sidoqoftë, RTK ka folur edhe me disa prej familjarëve të krerëve të tjerë të UÇK-së që po gjykohen në Hagë, nëse kanë probleme me pagesën e ekipeve mbrojtëse, por që nuk e kanë mohuar e as pohuar një gjë të tillë.
Lufta Prigozhin - Putin
Më shumëA po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Çfarë përfiton ekonomia e Kosovës me regjistrimin e popullsisë
Arrestohet një serb në Bërnjak, dyshohet se ka kryer krime lufte në Gjakovë
Italiania e dashuruar me Sarandën: Sa erdha thashë do të jetoj këtu, tani kam biznes
Ura e Fshajtë e dëmtuar, paraqet rrezik për kalimtarët
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë