Mbrojtësi i Juventusit në prag të rinovimit të kontratës, zbulohen shifrat

Nga fajtori në humbjen ndaj Sassuolos te heroi në fitoren në ‘Derby della Mole’ ndaj Torinos, Federico Gatti është autor i një historie frymëzuese.

25-vjeçari nuk ka kaluar nëpër shumë pengesa në jetën e tij, pasi jo shumë kohë më parë, ai ishte ende duke punuar si murator ndërsa në të njëjtën kohë përpiqej t’i gdhendte vetes një karrierë futbolli në nivelet më të ulëta të futbollit në Itali.

Tani, Gatti ka fituar statusin si titullar i rregullt me fanellën e Juventusit dhe ka marrë edhe një thirrje nga kombëtarja italiane për ndeshjet e tetorit.

Lexo po ashtu Drejtuesit e Juventusit besojnë se do të fitojnë shumë trofe me Allegrin

Për më tepër, ky moment pozitiv mund të shpërblehet me një kontratë të re për të cilën “Zonja e Vjetër” ka punuar muajt e fundit.

Sipas raportimeve në Itali, Gatti është në prag të nënshkrimit të një rinovimi të kontratës që do ta lidhë atë me Juventusin deri në vitin 2028.

Kontrata aktuale e lojtarit zgjat deri në vitin 2027. Ai fillimisht nënshkroi për Juventusin në janar të vitit 2022, por mbeti tek Frosinone në huazim deri në verën e ardhshme.

Siç sqarojnë këto raportime, italiani do të ketë edhe një rritje page. Ai do të paguhet 1.5 milionë euro neto me kontratën e re.

Lexo po ashtu Guardiola flet për thashethemet që e lidhnin me Juventusin

Për momentin, Gatti duket se është prototipi i lojtarëve mbi të cilët Juventusi po kërkon të ndërtojë të ardhmen e saj. Po flasim për një të lojtar të ri, të vendosur, punëtor, për të cilin nuk ka shumë vlerë paraja. /Telegrafi/