Mbretëresha i dërgoi letrën më të ëmbël një vajze që pikturoi një fotografi të Princit Philip

Mbretëresha i ka dërguar një letër të ëmbël përdorueses së TikTok, Honor Morrison, e cila pikturoi një fotografi të burrit të saj, Princit Philip, i cili fatkeqësisht ndërroi jetë në moshën 99 vjeçare në muajin prill të këtij viti.

Madhëria e saj dhe Philip ishin martuar për 73 vjet dhe në deklaratën pas vdekjes së tij, ajo e përshkroi atë si “të dashur”.

Honor, në një seri videosh të TikTok, shpjegoi se ajo kishte krijuar fillimisht portretin e Princit Philip gjatë funeralit të tij – i cili nuk kishte shumë njerëz për shkak të kufizimeve të lidhura me coronavirusin – dhe se nuk ishte e sigurt nëse do ta dërgonte apo jo Pallati Buckingham.

@honor_morrison

1,000 likes and I’ll send it to the Queen #fyp #princephilip #thequeen #painting

♬ Steven Universe – L.Dre

Duke iu drejtuar ndjekësve të saj, Honor tha: “Mos qeshni, por unë e pikturova këtë gjatë funeralit dhe nuk dija çfarë tjetër të pikturoja. Kështu që, unë pikturova Princin Philip dhe tani nuk di çfarë të bëj tjetër?”.

Ajo vazhdoi më tej duke thënë se nëse videoja e saj, e titulluar “1 mijë pëlqime dhe do t’ia dërgoj Mbretëreshës”, do të merrte mbi një mijë pëlqime, ajo do t’ia dërgonte atë Mbretëreshës. “Nëna ime tha që duhet t’ia dërgoja Mbretëreshës … mund ta imagjinoni? Imagjinoni të ecni në Zyrën Postare me ‘Pallatin Buckingham’ në adresë … por unë jam duke menduar nëse merr pëlqime të mjaftueshme për këtë, unë do t’ia dërgoj Mbretëreshës”.

@honor_morrison

I’VE SENT IT TO THE QUEEN #fyp #thequeen #princephilip #painting

♬ Steven Universe – L.Dre

Aktualisht, postimi i parë i Honor ka mbledhur gati 24 mijë pëlqime – domethënë, ajo i qëndroi fjalës së saj dhe e dërgoi portretin në Pallat, së bashku me një letër ngushëllimi të shkruar me dorë. Sidoqoftë, ajo të cilën nuk e priti ishte një përgjigje tepër e ëmbël nga Mbretëresha dhe ekipi i saj.

Në një video të mëvonshme, Honor flet drejtpërdrejt me kamerën dhe thotë: “Njerëz, nuk do ta besoni këtë, shikoni se çfarë erdhi në post për mua këtë mëngjes!”, ndërsa mbante një zarf që kishte një stampim të Pallatit Buckingham.

@honor_morrison

I got a letter from Buckingham palace!! #fyp #queen #buckinghampalace

♬ Say So (Instrumental Version) [Originally Performed by Doja Cat] – Elliot Van Coup

Pastaj, në një video tjetër, Honor zbulon përmbajtjen e zarfit: një broshurë homazhesh me një fotografi të Princit Philip dhe fjalët “Në kujtim të Lartmadhërisë së Tij Mbretërore Princit Philip, Dukës së Edinburgut. 1921 – 2021”. Gjithashtu në broshurë ishte një shënim nga Madhëria e Saj, ku thuhej: “Ju dërgoj falënderimet e mia të sinqerta për fjalët tuaja të mira për vdekjen e burrit tim”, e firmosur me “Elizabeth R”.

Dhe kjo nuk është e gjitha- Zonja Susan Hussey, Zonja në pritje e Mbretëreshës , gjithashtu dërgoi një letër të nënshkruar me dorë ku lexonte: “E dashur zonjushë Morrison, Mbretëresha dëshiron të shkruaj dhe faleminderit shumë për mesazhin tuaj dhe për pikturën simpatike që keni dërguar me rastin e vdekjes së burrit të dashur të Madhërisë së saj, Duka i Edinburgut”.

@honor_morrison

My letter from the Queen #fyp #thequeen #hermajesty #buckinghampalace

♬ Stories 2 – Danilo Stankovic

“Mbretëresha është prekur thellë nga mesazhet që ka marrë nga e gjithë bota dhe është shumë mirënjohëse për mbështetjen tuaj të menduar për Madhërinë e Saj në këtë kohë për t’i dërguar asaj dhuratën tuaj të mirë”.

Kur lexoi përgjigjen nga Pallati, Honor shpjegoi se ajo ndihej emocionale dhe se marrja e një përgjigjeje i kishte bërë ditën më të bukur. /Telegrafi/