Mbledhja e parë e Komitetit për bisedime për anëtarësim në BE

Komiteti i negociatave për anëtarësimin e Maqedonisë së Veriut në Bashkimin Evropian mbajti një takim konstitucional për të diskutuar modelet për përfshirjen e sektorit civil në procesin e negociatave të pranimit, me qëllim të pozicionimit sa më adekuat të shtetit në fazat kryesore të procesit të pranimit të vendit, deklarojnë nga shërbimet e shtypit të qeverisë.

Në takim u përshëndet iniciativa dhe u dha udhëzime për përpunimin e modelit të përfshirjes së organizatave qytetare në procesin e negociatave të pranimit për anëtarësimin e vendit tonë në BE.

Kryeministri Zoran Zaev, i cili kryeson këtë organ, theksoi nevojën për një reagim të shpejtë nga të gjithë ata të cilët janë të përfshirë në proces në një nga fazat më të rëndësishme për vendin tonë.

Komiteti është organi më i lartë i punës për të koordinuar procesin e negociatave të pranimit. Ai rishikon dhe përcakton draftin e pozicioneve negociuese, diskuton dhe merr qëndrim për çështjet më të rëndësishme që vijnë nga negociatat. Përcakton dinamikën e negociatave, afatet për harmonizimin e legjislacionit dhe burimet e fondeve të nevojshme për përmbushjen e angazhimeve të marra gjatë negociatave./Telegrafi/