Mbledhësi i mbeturinave gjen një copë dylli të verdhë – nëse është çfarë po mendohet, mund t’i ndryshojë jetën atij

Një mbledhës i mbeturinave po shpreson që një copë dylli të verdhë që gjeti në një plazh ka vlerë të lartë.

Sipas mediave të huaja, përcjell Telegrafi, Somsak Boonrith, 45 vjeç, u pengua në copëzën e verdhë ndërsa po kërkonte nëpër mbeturina në ishullin Tarutao në Satun, Tajlandë në jug të dielën.

Ai thuhet se e kishte mbajtur në shtëpi substancën, duke besuar se mund të ishte një substancë që përdoret për parfume.

Copëza mund të ketë vlerë deri në 100 mijë dollarë, bazuar në çmimin e gjetjeve të mëparshme.

Por para se ta shesë atë, Somsak duhet të verifikojë se është i vërtetë.

Somsak shpreson se mund të fitojë para dhe të braktisë punën si një ‘mbledhës i rrobave’, duke shëtitur rrugët edhe për shishe plastike, për të fituar ndonjë para çdo ditë.

Ai tha: “Unë kam qenë peshkatar, por një stuhi shkatërroi varkën time. Tani unë endem përgjatë plazhit duke parë mbeturina duke u përpjekur të gjej gjëra me vlerë”.

Dhe gjëja kryesore që ai do të bënte, nëse copëza do të vlente para, ka thënë se do të ishte blerja e një varke të re “për të ringjallur karrierën si peshkatar”, sepse të ardhurat nga marrja e leckave nuk ishin të mjaftueshme për të ushqyer familjen.

Zyrtarët e qeverisë lokale do të vizitojnë Somsak më vonë këtë muaj për të verifikuar nëse gjetja e tij është qelibar.

Masa (që thuhet se është të vjella të balenës) thuhet se ka një erë të urryer në fillim por pasi të thahet, ajo zhvillon një aromë të ëmbël, e cila e bën atë një përbërës të kërkuar në industrinë e parfumeve.

Ndryshe, thuhet se në prill të vitit 2016, një top mase të tillë e gjetur në Lancashire është shitur për 50,000 funte ndërsa në nëntor të po këtij viti, tre peshkatarë në Omani gjetën një të tillë dhe e shitën atë për 2.3 milionë funte. /Telegrafi/