Mbi 20 të lënduar pasi një automjet u përplas dhe “u fut i tëri” në një restorant në Teksas

Një numër jo i vogël njerëzish janë lënduar pasi një automjet u përplas në një restorant Denny në Teksas, tha policia.

Sipas mediave të huaja, përcjell Telegrafi, automjeti kaloi nëpër murin e ndërtesës, paraditen e së hënës, sipas Departamentit të Policisë Rosenberg.

Policia tha se mori telefonata të shumta për incidentin rreth orës 11:22.

Dhe disa pamje të publikuara tregonin se automjeti ishte plotësisht brenda restorantit i rrethuar nga mbeturinat.

Njëzet e tre persona brenda restorantit pësuan lëndime nga të lehta në të rënda, ka bërë të ditur policia.

Nearly two dozen people—ranging in age from 12 to 60 years old—were hurt after an SUV crashed into a Denny’s restaurant near Houston, Texas. Authorities are investigating the incident, which happened right before lunch time. @ABCMireya reports. https://t.co/5XHeD797G5 pic.twitter.com/08F5PnEDFs

— World News Tonight (@ABCWorldNews) September 5, 2023

Të gjithë u transportuan në spitalet lokale me ato që dukej të ishin lëndime jo të rrezikshme për jetën, thanë autoritetet.

Shoferi nuk u lëndua, ka thënë më tej policia.

“Hetimi për shkakun e aksidentit është duke vazhduar në këtë moment”, tha në një deklaratë Departamenti i Policisë së Rosenberg.

Denny’s ndodhet përgjatë një rruge ballore të autostradës jugperëndimore në Rosenberg, një qytet rreth 35 milje në jugperëndim të Houston. /Telegrafi/