Mbahet takimi i Këshillit të Drejtorëve në Pejë, qytetarët po i respektojnë masat për parandalimin e pandemisë

Në Komunë e Pejës, është mbajtur takimi konsultativ i Këshillit të Drejtorëve, udhëhequr nga kryetari i kësaj komunë, Gazmend Muhaxheri ku të gjithë drejtorët e kësaj komune kanë aportuar për gjendjen në Pejë në kohën e pandemisë COVID-19.

Përmes një komunikatë për medie, bëhet e ditur se gjatë këtij takimi drejtori i Shëndetësisë, Petrit Loci k njoftuar se në Raportin e Institutit Kombëtar te Shëndetësisë, Peja që disa ditë nuk ka pasur raste pozitive.

Sipas Locit, janë duke u respektuar të gjitha masat situata është në kontroll dhe po pritet shërimi i rasteve të mëhershme pasi gjendja e tyre është stabile.

Gjithashtu edhe drejtorët e drejtorive të tjera, si ajo e Inspekcionit, Zhvillimit Ekonomik, Arsimit dhe Zyra e Prokurimit, kanë raportuar në lidhje me punën.

Sipas njoftimit, drejtori i Inspekcionit Leutrim Murtezaj shprehu gatishmërinë që edhe tani pas lehtësimit të disa masave dhe lejimin e punës për disa veprimtari, ekipet e inspektorëve do të vazhdojnë në monitorimin e gjendjes konform masave të reja.

Ndërkaq, kryetari dhe nga zyra e Prokurimit u dakorduan që të vazhdohet me procedurat e Prokurimit, sidomos me projektet me donatorët e jashtëm.

Edhe drejtoresha e Zhvillimit Ekonomik, Xhenet Syka bëri të ditur se Ministria e Zhvillimit Rajonal ka hapur thirrjen për projekte dhe duhet të përgatiten për aplikime.

Drejtori i Arsimit, Besim Avdimetaj tha se mësimi online është duke vazhduar. Po ashtu bëri të ditur se po bëhen përgatitjet për testet e maturës dhe të arritshmërisë, nëse do të mbahen në muajin maj.

“Shtabi Operativ Emergjent në Komunën e Pejës është duke funksionuar mirë dhe sipas raporteve nga terreni gjendja është e mirë dhe janë duke u respektuar masat ligjore nga Komuna dhe Qeveria”, u shpreh drejtori i Emergjencave, Muhamet Mahmuti.

Ndryshe, takimi i radhës i Këshillit të Drejtorëve u tha se do të mbahet sipas nevojës dhe situatës. /Telegrafi/

koso

koso