Drejtoria Rajonale e Policisë së Kosovës në Gjilan dhe Prokuroria Themelore në Gjilan, kanë nisur hetimet lidhur me një rast të mashtrimit me apel për ndihmë, ku janë dhuruar 94 mijë euro për një person i cili nuk “ekziston”.
Zëdhënësi i Policisë për rajonin e Gjilanit, Ismet Hashani, për Telegrafin konfirmoi nisjen e hetimeve, por tha se nuk mund të japin më shumë detaje.
“Me Prokurorinë Themelore në Gjilan jemi duke punuar ngushtë për zbardhjen e rastit, por në këtë fazë të hetimeve nuk mund të japim më shumë informacione”, deklaroi ai.
Ndryshe, ditë më parë një person i prezantuar si Armend Morina nga qyteti i Mitrovicës, u lajmërua në rrjete sociale e media për të kërkuar ndihmë financiare për vëllanë e tij Blerim Morinën, për të cilin tha se është 24-vjeçar dhe është diagnostikuar me leukemi akute.
Lajmi u publikua në shumë media në Kosovë, përfshirë edhe Telegrafin, që veproi si shumë herë të tjera në tentativë për të ndihmuar në shërimin e Blerim Morinës.
Lajmi i shpërndarë në media dhe thirrjet për ndihmë në rrjetin social TikTok mobilizuan njerëzit e vullnetit të mirë dhe brenda pak orëve, në emër të tij u mblodhën hiç më pak se 94 mijë euro.
Figura të njohura në këtë rrjet social u vunë në krye të fushatës, ndërsa jo të paktë ishin edhe qytetarët që ofruan shuma të majme të parave për të ia shpëtuar jetën Blerimit.
Por, vetëm pas pak ditësh doli se e gjitha ishte një mashtrim i madh.
Persona publikë e media ranë në kurthin e Armend Morinës, i cili, përveç të tjerash, kishte hapur edhe llogari në njërën nga bankat kosovare.
Morina duket se kishte planifikuar gjithçka. Ai, përveç apeleve publike, u kishte shkruar edhe bizneseve të ndryshme, duke kërkuar para në emër të vëllait.
Por, i sëmuri nga leukemia akute duket të mos jetë kuruar askund.
Kiks Kosova ka kontaktuar edhe Spitalin rajonal të Mitrovicës, për të pyetur nëse Blerim Morina kishte kërkuar trajtim në këtë institucion, por ata, përmes telefonit, kanë theksuar se fakti që nuk kanë një sistem elektronik të menaxhimit, nuk mund të dinë nëse Morina kërkoi trajtim aty.
Por, kanë theksuar se ky spital nuk ka repart për trajtimin e personave që vuajnë nga leukemia akute.
Blerim Morina nuk është trajtuar asnjëherë as në QKUK. Drejtori i Hematologjisë, Shemsedin Sadiku, i ka thënë KIKS Kosovës se në protokollet e këtij reparti nuk figuron emri i tij.
“Kemi shikuar protokollin e të sëmurëve për trajtim jashtë vendit për vitin 2022, por pacienti i cekur më lartë-Blerim Morina me Dg. Leukemi akute, nuk është gjetur se është dërguar nga Konzilium i Klinikës së Hematologjisë”, thuhet në përgjigjen e QKUK-së.
Ndërsa, Ministria e Shëndetësisë për Telegrafin kanë bërë të ditur se i njëjti nuk rezulton të ketë aplikuar për ndihmë financiare në Fondin e Sigurimit Shëndetësor.
“Pacienti në fjalë nuk rezulton të ketë aplikuar për ndihmë financiare në Fondin e Sigurimit Shëndetësor, përkatësisht Zyra për Trajtim Mjekësor Jashtë Institucioneve Shëndetësore Publike”, thuhet në përgjigjen e ministrisë.
Apeli për Blerimin u zhduk, e po ashtu edhe vëllai i tij, Armendi. I njëjti është provuar të kontaktohet disa herë përmes telefonit, por pa sukses. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre