LAJMI I FUNDIT:

Marrëveshja UBS-Credit Suisse po e vendos në rrezik reputacionin e Zvicrës

Marrëveshja UBS-Credit Suisse po e vendos në rrezik reputacionin e Zvicrës

Banka UBS është pajtuar për ta blerë rivalin e saj Credit Suisse për më shumë se 3 miliardë franga zvicerane [3.2 miliardë euro], si pjesë e një marrëveshjeje të mbështetur nga qeveria.

Marrëveshja e shpëtimit do të thotë se Zvicra, një vend shumë i varur nga financat, është në rrugën e duhur që dy bankat e saj më të mëdha të bashkohen në vetëm një gjigant financiar.

Autoritetet dhe rregullatorët zvicerane, ndihmuan për të negociuar marrëveshjen, e cila u nënshkrua mes frikës së infektimit në sistemin bankar botëror, pasi dy banka më të vogla amerikane falimentuan javët e fundit.

Shkatërrimi i Credit Suisse, dërgoi valë tronditëse në tregjet financiare dhe duket se i ka dhënë një goditje reputacionit të Zvicrës, duke sugjeruar se investitorët tani do ta shikojnë vendin malor të Evropës Qendrore si “një republikë bananesh”.

Sipas kushteve të blerjes urgjente, investitorët e obligacioneve shtesë të nivelit të parë të Credit Suisse – të konsideruara gjerësisht si një investim relativisht i rrezikshëm – do të shohin që vlera e zotërimeve të tyre të ulet në zero. Do të thotë se investimet me vlerë rreth 16 miliardë franga, do të bëhen të pavlefshme.

Kriza e bankës Credit Suisse – çfarë po ndodh në tregjet financiare?
Lexo po ashtu Kriza e bankës Credit Suisse – çfarë po ndodh në tregjet financiare?

Lëvizja jokonvencionale është në kundërshtim me praktikën tipike të të dhënit përparësi të zotëruesve të obligacioneve mbi aksionerët kur një bankë dështon, si dhe shkaktoi trazira në tregun e obligacioneve bankare të konvertueshme të hënën.

Vítor Constâncio, i cili ishte zëvendëspresident i Bankës Qendrore Evropiane (BQE) nga viti 2010 deri në 2018, tha përmes Twitter se njoftimi i FINMA ishte një “gabim me pasoja dhe potencialisht një mori çështjesh gjyqësore”.

BQE-ja dhe Banka e Anglisë u përpoqën të distancoheshin nga vendimi i FINMA. /Telegrafi/

Në trend Ekonomi

Më shumë
Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita
Creative Hub prezenton metodën 4 orë punë të premteve

Creative Hub prezenton metodën 4 orë punë të premteve

Creative Hub Kosovo
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Ekonomi
Siguria në udhëtim, PrishtinaTicket është anëtare e Swiss Travel Security

Siguria në udhëtim, PrishtinaTicket është anëtare e Swiss Travel Security

Prishtina Ticket
Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

AlbaSky
Një platformë për të gjithë - Telegrafi Jobs

Një platformë për të gjithë - Telegrafi Jobs

Telegrafi Jobs
Kalo në kategori