Kryeministri i Shqipërisë, Edi Rama tha se marrëveshja për dokumentet mes Kosovës dhe Serbisë do të ishte arritur me kohë, nëse Kosova do të ishte pjesë e Ballkanit të Hapur.

Reklama

Ai tha se Marrëveshja me Kosovën ka konfirmuar qasjen e Presidentit Vuçiç në raport me lëvizjen e njerëzve.

“Nëse Kosova do të ishte ulur në tryezë dhe nuk do të refuzonte në mënyrë konstante, kjo çështje do të ishte zgjidhur me kohë. Nuk thashë që e ka zgjidhur kjo treshe, as që Shqipëria apo unë kemi luajtur ndonjë rol, thash thjesht këtë. Është kjo frymë, kjo rrugë, këto parime të Ballkanit të Hapur që po jetësohen dita-ditës”, tha Rama.

Firmosen katër marrëveshje në Beograd, Rama: BE të mbështesë Ballkanin për përballimin e krizës energjetike Firmosen katër marrëveshje në Beograd, Rama: BE të mbështesë Ballkanin për përballimin e krizës energjetike
Reklama

“Marrëveshja me Kosovën ka konfirmuar qasjen e Presidentit Vuçiç në raport me lëvizjen e njerëzve”, tha Rama gjatë një konference për mediat pas nënshkrimit të disa marrëveshje me Serbinë dhe Maqedoninë e Veriut në kuadër të Ballkanit të Hapur.

Reklama

Kryeministri tha se përveç përfaqësuesve të Turqisë dhe Hungarisë, në këtë samit ishin ftuar edhe ministrat e Jashtëm të Italisë dhe Greqisë.

“Do të vazhdojmë të mirëpresim të gjithë. Ne kemi ftuar Turqinë, Greqinë, Italinë dhe Hungarinë. Dhe e kemi bërë publike këtë gjë. Greqia dhe Italia munguan për arsye objektive. Në Tiranë do të ftojmë edhe të tjerë, se do të duan edhe të tjerë. Mos u çuditni që një ditë edhe një nga këta të mëdhenjtë të thotë “a mund të vijë dhe unë?”. Pse të mos vijë? Janë takime shumë më pozitive sesa ato që zhvillohen në Bruksel”, tha Rama. /Telegrafi/

Reklama