Qeveria ende nuk ka nënshkruar kontratën me kompaninë amerikano-turke “Bechtel & Enka”, ndonëse ka arritur marrëveshje me këtë kompani për ndërtimin e autostradës Vërmicë - Merdar
Zyrtarë të Ministrisë së Transportit dhe Postë-Telekomunikacionit thonë se kontrata do të nënshkruhet së shpejti. Ndërkaq, deputetë të opozitës kritikojnë Qeverinë për mungesë transparence në këtë proces.
“Tash jemi në fazën përfundimtare. Marrëveshja vetëm është aprovuar nga Qeveria, të cilën e ka rekomanduar Komiteti Ndërministror i udhëhequr nga Ministri Fatmir Limaj. Janë disa çështje procedurale, të cilat i parasheh ligji, duhet pritur një kohë të shkurtër, që të plotësohen të gjitha procedurat në kuptimin e administratës, që më pas edhe të nënshkruhet kontrata”, thotë zëdhënësi i MTPT, Xhevdet Pozhari
Nga ana tjetër, deputetë të opozitës kritikojnë Qeverinë për mungesë transparence dhe paqartësi rreth këtij projekti.
Donika Kadaj-Bujupi, nga AAK-ja, ka kërkuar që projektet e rëndësisë kombëtare të debatohen në Kuvend dhe të jepen informata të qarta.
“Ka ndodhur shumë shpesh që Qeveria ka thënë diçka dhe ka vepruar diçka krejt tjetër. Prandaj, ne, kërkojmë që të kemi të dhëna me shkrim në Parlamentin e Kosovës, në formë raporti, se a është nënshkruar, nëse është nënshkruar, cilat janë kushtet, kostoja, cila do të jetë mënyra e zbatimit, kur qytetarët e Kosovës do të mund të gëzojnë këtë autostradë dhe, cili do të jetë çmimi për këtë autostradë. Deri më sot nuk ka pasur transparencë”, ka thënë Bonika Kada-Bujupi.
Edhe Besa Gaxherri, nga LDD-ja, thotë se nuk kanë informata zyrtare rreth marrëveshjes për autostradën, qoftë si deputetë apo si Grup Parlamentar brenda Kuvendit:
“Kjo, realisht, të bën me u shqetësue, e natyrisht edhe me dyshue. Vetë Ministri, sa kemi mundur me e përcjellë, përmes mediave, nuk ka asgjë konkrete se sa kushton rruga, si është marrëveshja e tjera. Megjithatë, ne do të bëjmë përpjekje që të kërkojmë dokumentacion dhe transparencë lidhur me autostradën”, thotë Gaxherri.
Naim Rrustemi, deputet i pavarur, thekson se marrëdhëniet kontraktuale duhet të jenë shumë të qarta.
“Marrëdhënie të formave aq pezull, pa aq shumë detale, nuk di a janë marrëveshje reale, ato po duken si me i bë për hajr, e më vonë merremi vesh. Kisha pasë qef me e pa të nënshkruar saktë, me data, me forma të pagesës, me afate kohore të përmbushjeve, me tejkalim të kontratës, kush janë kontraktorët lokalë, kësaj i kishim thënë marrëveshje”, thotë Rrustemi.
Ndryshe, sipas përfaqësuesve të Komitetit Ndërministror, autostrada do të ndërtohet segment pas segmenti dhe do të fillojë të punohet në ndërtimin e segmentit të parë dhe të dytë, nga Vërmica deri në Qafë të Dulës. Më pas, Qeveria, do të marrë vendim se a do të vazhdojë në rrugën në drejtim të Carralevës, apo do të gjejë rrugë tjetër alternative. Kostoja e rrugës është thënë se do të jetë rreth 700 milion euro, ndërkaq, kompania është zotuar që për 36 muaj do ta përfundojë ndërtimin e autostradës. /rtklive/
Lufta Prigozhin - Putin
Më shumëNga Rubrika
As 350 euro nuk i përmbushin nevojat bazike për një pjesë të qytetarëve
Auto Mita shpërblen me 20.000 euro dhuratë 10 blerësit e parë të Volvo XC90
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në mbështetje të startup-eve në rajon e më gjerë
Të shpejta, të shijshme, plot vlera ushqyese - Kurseni kohë, pa sakrifikuar shijen me gjellërat e gatshme të MEKA-s
Fito VESPA dhe udhëtim në çift në Amsterdam
Vetura Scout - Platforma që ndryshon rregullat e shitblerjes së veturave në Kosovë!
Auto Mita shpërblen me 20.000 euro dhuratë 10 blerësit e parë të Volvo XC90
American Brain - Histori suksesi për shërimin ndaj varësisë së drogës dhe alkoolit
Abdixhiku: Kosova ka ngecur me Kurtin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Zgjedhja e Messit për kundërshtarin e tij më të vështirë i la tifozët e befasuar
Të gjithë po flasin për asistimin që Arda Guler e bëri te Turqia
Jose Mourinho zgjedh tre futbollistët më të mirë në histori – injoron Ronaldon
Gjersa Kosova po fiton kundër Qipros – Edon Zhegrova dërgon mesazh
Pse Vedat Muriqi nuk u paraqit në pjesën e dytë ndaj Qipros
iPhone 16 i Apple vjen me veçori të AI – gjithçka që duhet të dini për gjeneratën më të re të telefonit të mençur