Maqedoni: Në Gjykatën Penale u dëgjuan “Bombat” për rastin “Toplik”

Në seancën e sotme për rastin “Toplik” në Gjykatën Penale, janë dëgjuar 11 biseda të përgjuara rreth këtij rasti.

Mbrojtja e Mile Janakieski ka kërkuar përjashtimin e publikut, por gjyqtari Osman Shabani hodhi poshtë kërkesën, duke thënë se publikimi i telefonatave të përgjuara nuk do të cënonte privatësinë e të pandehurve.

Në lëndën e PSP-së “Toplik” i dyshuar është ish-ministri për Transport dhe Lidhje, Mile Janakievski dhe pesë persona tjerë, ku akuzohen për shitjen e një parcele ndërtimore në Sopishte të Shkupit.

Janakieski, si menaxher në Ministrinë e Transportit dhe Postë-Telekomunikacionit, në kundërshtim me Ligjin për Prokurim Publik, përpiloi një Komision Publik të ofertimit, ku ai urdhëroi të zgjedhë një ofertues për blerjen e tokës shtetërore për ndërtimin e kompleksit të elitës “Sunny City” në Sopisht, megjithëse kompania nuk ka përmbushur kushtet për këtë.

Nga provat, sipas PSP-së, rezulton se për shkak të ndërprerjes së kontratës për faj të Ministrisë, ajo duheshe të paguaj borxhin prej një milionë euro dhe interesin e vonuar të personit juridik “San City”.

Seanca e ardhshme do të mbahet më 11 maj, ku mbrojtja do të tregoj mendimet e saja për telefonatat e përgjuara. /Telegrafi/