Maqedoni, bujqit deri në fund të vitit mund të dorëzojnë kërkesa për legalizim të fermave

Deri në fund të vitit bujqit mund të dorëzojnë kërkesa për legalizim të objekteve të ndërtuara, ferma në toka ndërtimore. Me ndryshimet e Ligjit për veprim me objektet e ndërtuara pa leje, nën kompetencë të Ministrisë së Transportit dhe Lidhjeve, afati për legalizim të objekteve të ndërtuara pa leje është vazhduar për një vit. Kërkesat për legalizim duhet të dorëzohen në komunat ku jetojnë.

Vazhdimi i afatit, siç kumtojnë nga Ministria e Bujqësisë, Pylltarisë dhe Ekonomisë së Ujërave, është me qëllim që t’u dalë në vigjilje një numri të madh të qytetarëve, duke i përfshirë edhe bujqit, të cilët deri tani nuk e kanë kryer procedurën e legalizimit. Deri tani numri i ekonomive bujqësore dhe objektet e të cilëve janë legalizuar është jashtëzakonisht i vogël dhe një numër i madh i të njëjtave nuk e kanë shfrytëzuar mundësinë të cilën e kishte ofruar ligji. Statusi i parregulluar i objekteve për destinim bujqësor të tokës ndërtimore negativisht ndikon në mundësinë për modernizim dhe rikonstruim të ekonomive bujqësore të cilët merren me blegtori dhe i pengon ekonomitë në shfrytëzimin e ndihmës financiare shtetërore për bujqësi.

Mundësia për legalizim të fermave është nga vlera e madhe për bujqit. Me marrjen e fletpronësive, vetë fermat do të marrin edhe vlerë financiare, të cilën bujqit do të mund ta shfrytëzojnë për marrje të kredive për renovim dhe modernizim të fermave. Njëherit, me legalizimin do të mund ta realizojnë të drejtën e aplikimit për masat e IPARD programit edhe nga Programet kombëtare, që do të ndikojë ndaj vëllimit dhe cilësisë së prodhimtarisë.

Sipas Ligjit për toka bujqësore, të drejtë për legalizim kanë objektet për përpunim primar të prodhimeve bujqësore, përkatësisht ndërtimet e destinuara për kultivim të shpendëve dhe peshqve, për mbrojtje shëndetësore veterinare dhe mbrojtje shëndetësore të njerëzve, për akomodim të pajisjes për mbajtje të cilësisë së ujit dhe mjedisit jetësor, laboratoritë, për përpunimin e prodhimeve primare bujqësore dhe bagëtive e peshqve, për akomodim të pajisjes për ndjekje të cilësisë dhe sigurisë së prodhimeve primare bujqësore dhe të blegtorisë dhe të prodhimeve nga përpunimi i tyre, për akomodim dhe mirëmbajtje të mekanizmit bujqësor, pajisje të lidhjeve dhe mjete tjera transportuese dhe pajisje, streha për deponim, sigurim fizik, ndërtim të objekteve për përpunim primar të prodhimeve bujqësore, pranim, ruajtje dhe paketim të prodhimeve primare bujqësore dhe blegtorale dhe ushqim për kafshët, për administratën e lidhur me veprimtarinë bujqësore, rezervarët e ujit, hapësirën shitëse për prodhimet e fituara nga veprimtaria bujqësore, për akomodim në kohë, ushqim, edukim, rekreim dhe shitje të prodhimeve për nevojat e amvisërive të personave të angazhuar në prodhimtarinë e prodhimeve primare dhe të përpunuara bujqësore dhe blegtorale, për prodhimin e verës, qendrat e tubimit për qumësht, kërpudha dhe bimë medicinale, objektet e therrjes, për autopsi të shtazës së ngordhur, krematorium për kafshët e ngordhura, stacione të pastrimit, për punë hidro-melioracion dhe ndërtime të destinuara për rregullimin e tokës bujqësore./koha/