Mancini i del në mbrojtje Donnarummas, Juventusi vazhdon interesimin për portierin italian

Trajneri i Italisë, Roberto Mancini, ka telefonuar dje (e enjte) portierin Gianluigi Donnarumma, ndërsa Juventusi është sërish i interesuar për yllin e Paris Saint-Germain.

Donnarumma është në qendër të vëmendjes pas një gabimi të kushtueshëm kundër Real Madridit në ndeshjen e dytë të 1/8-tës në Ligën e Kampionëve të mërkurën mbrëma.

23-vjeçari nxiti rikthimin e Los Merengues në Bernabeu duke humbur topin brenda zonës dhe duke çuar në barazimin e rezultat 1-1 nga Karim Benzema.

Lexo po ashtu Donnarumma dhe Neymar ishin afër një përplasjeje të madhe mes vete pas humbjes nga Reali, bashkëlojtarët ndërhynë për t’i ndarë

Sipas gazetës La Gazzetta dello Sport, trajneri i Italisë, Mancini e ka telefonuar dje 23-vjeçarin për ta qetësuar, pasi Azzurrët do të luajnë ndeshjen ‘play-off’ të Kupës së Botës kundër Maqedonisë së Veriut pas më pak se dy javësh.

Gazeta italiane raporton gjithashtu se Juventusi ka rifilluar interesimin e tyre për ish-portierin e Milanit, i cili po mendon të ardhmen e tij në Paris. 23-vjeçari nuk është ndjerë kurrë i dashur në kryeqytetin francez dhe mund të shqyrtojë opsionet e tij në fund të sezonit.

Con il Psg feeling mai nato: così la Juve rimette gli occhi addosso a #Donnarumma https://t.co/t8gDeCZuTQ

— La Gazzetta dello Sport (@Gazzetta_it) March 11, 2022

Juventusi është adhurues prej kohësh i Donnarummas dhe ka zhvilluar bisedime me agjentin e tij Mino Raiola para se të nënshkruante me PSG-në verën e kaluar. Mbetet për t’u parë se sa do të kërkonte PSG për yllin e tyre dhe si do ta menaxhonte Zonja e Vjetër polakun Wojciech Szczesny, i cili ka kontratë deri në qershor 2024 në Torino.

Paga e lojtarit mund të jetë gjithashtu një problem pasi Donnarumma është në një marrëveshje prej tetë milionë eurosh në vit në Paris dhe Juventusi mund të përfitojë nga i ashtuquajturi ‘Dekreti i Rritjes’, një zbritje prej 50 për qind në pagat bruto që transferohen në Itali nga jashtë. /Telegrafi/