Manchester United mund ta transferojë Neymarin, por vetëm me një kusht

Manchester United mund të nënshkruajë me Neymarin nga Paris Saint-Germain nëse Sheikh Jassim përfundon blerjen e klubit nga Old Trafford, bëhet e ditur në një raportim të ri.

Në nëntor, Glazers vuri në gatishmëri botën e futbollit dhe atë financiar duke njoftuar se po eksploronin alternativa strategjike për klubin, që mund të rezultonin në një shitje të plotë.

Që atëherë ka pasur dy raunde ofertimi, me një seri të tretë ofertash që pritet të dalin përpara fundit të muajit.

Lexo po ashtu Neymar ia prish planet Chelseat për transferime

Emiri i Katarit, Sheikh Jassim dhe miliarderi britanik i petrokimikeve – Sir Jim Ratcliffe janë të vetmet palë të interesuara publikisht për një blerje të plotë, ndërsa disa fonde investimi kanë shprehur interes për të marrë një pakicë të aksioneve në klub.

Dhe nëse Sheikh Jassim fiton garën për të blerë United, kjo mund të ndihmojë klubin të sigurojë nënshkrimin e anësorit brazilian Neymar.

Sipas mediumit francez Footmercato, United është duke vëzhguar situatën e Neymar.

Pavarësisht se ka dhuruar edhe një sezon tjetër të penguar nga lëndimi, superylli brazilian ka shënuar 18 herë në 29 paraqitje.

Ka pasur spekulime të vazhdueshme në lidhje me të ardhmen e 31-vjeçarit, me Chelsean që ka qenë vazhdimisht i lidhur me transferimin e tij.

Megjithatë, hierarkia e Old Trafford thuhet se ka bërë hetime për sulmuesin në fillim të sezonit. /Telegrafi/