Manchester United i gatshëm të emërojë ish-trajnerin e Wolves si zëvendësues të Ten Hag

Manchester United raportohet se e ka gjetur zëvendësuesin e Erik ten Hag dhe holandezi pritet të shkarkohet në fund të këtij viti.

Djajtë e Kuq po kalojnë nëpër një sezon të vështirë, me klubin krejtësisht jashtë Evropës dhe që mbetet shumë larg ritmit në garën për titull. Humbja në shtëpi ndaj Bournemouth në fundjavë u pasua nga një tjetër humbje në Teatrin e Ëndrrave, teksa Bayern Munich u dha goditjen e fundit në Ligën e Kampionëve.

53-vjeçari thuhet se ka tjetërsuar një pjesë të dhomës së zhveshjes dhe me tifozët që kanë filluar të kthehen kundër tij, mund të mos kalojë shumë kohë që shefat e Manchester United ta lirojnë nga detyra.

Lexo po ashtu A është me të vërtetë Man United i interesuar për Graham Potter? 

Gazeta spanjolle Relevo ka raportuar se United është gati të emërojë Julen Lopetegui, i cili ka qenë i papunë që nga largimi nga Wolverhampton Wanderers para fillimit të sezonit.

Spanjolli ka drejtuar edhe kombëtaren spanjolle dhe Real Madridin, ndërsa gjatë sezonit 2019/20, ai eliminoi Man United nga Liga e Evropës me Sevillën, rrugës për trofeun në Portugali.

Relevo e ka quajtur Lopeteguin “shumë të pozicionuar” për të marrë postin e trajnerit – dhe me Daily Mail që pretendon një tjetër humbje të rëndë në Liverpool këtë fundjavë mund të ketë “degëzime të rëndësishme për të ardhmen e Ten Hag në klub”, mund të jetë më shpejt sesa mendohet që Lopetegui të marrë drejtimin e ekipit. /Telegrafi/