Manastiri i Deçanit thotë se armatimi nuk u gjet brenda Manastirit të Banjskës

Manastiri i Deçanit ka reaguar sërish për sulmin terrorist që ndodhi të dielën ndaj Policisë së Kosovës në veri.

Në reagimin e tyre thuhet se “ka shumë dezinformata dhe lajme të rreme” që po shpërndahen lidhur me këtë ngjarje tragjike.

“Ka një rritje të dezinformatave dhe lajmeve të rreme që po përhapen për ngjarjet tragjike të djeshme në Kosovë. Përfaqësues ndërkombëtarë kanë konfirmuar se Policia e Kosovës pas një kontrolli dje pasdite ka zbuluar armë vetëm brenda veturave të braktisura të sulmuesve të armatosur afër manastirit. Siç thuhet në deklaratën e djeshme të kishës, personat e armatosur me maska kishin thyer portat e mbyllura të manastirit dhe kishin shkëmbyer zjarr me policinë”, thuhet në reagimin e tyre.

Manastiri i Deçanit tutje thekson se brenda Manastirit të Banjskës dhe përreth tij nuk është gjetur asnjë armë.

Ata më tej bëjnë të ditur se pelegrinët që ishin brena Manastirit do të largohen sot për në shtëpitë e tyre.

“Në bastisjen brenda Manastirit dhe ambienteve të tij, nuk është gjetur asnjë armë sipas burimeve ndërkombëtare në Kosovë. Kisha nuk kishte absolutisht asgjë me këto ngjarje tragjike dhe murgjit me pelegrinët u kapën vetëm në mes të zjarrit. Falë Zotit, askush në Manastir nuk u lëndua. Pelegrinët pritet të largohen sot për në shtëpi”, thuhet mes tjerash në reagimin e Manastirit të Deçanit.

Manastiri thekson se sulmet dashakeqe dhe përhapja e informacionit të rremë nuk nxisin paqe, por vetëm sa përshkallëzojnë tensionet ndëretnike në Kosovë. /Telegrafi/

There is a surge of misinformation and fake news spreading about the tragic events in #Kosovo yesterday. International representatives confirmed that the Kosovo Police after a search yesterday afternoon only discovered weapons inside the abandoned vehicles of the armed attackers… pic.twitter.com/WRTPnw5xzz

— Dečani Monastery (@DecaniMonastery) September 25, 2023