Man City arrin marrëveshje me Leicesterin, Mahrez gjatë 48 orëve të ardhshme kryen testet mjekësore

Manchester City ka arritur marrëveshje me Leicester Cityn për transferimin e yllit algjerian, Riyad Mahrez, i cili pritet të arrij në Etihad brenda 48 orëve të ardhshme për të kryer testet mjekësore.

Qytetarët dhe trajneri i tyre Pep Guardiola janë admirues afatgjatë të algjerianit Riyad Mahrez.

Drejtuesit dhe trajneri i kampionit aktual të Ligës Premier nuk kanë lënë asnjë sekret pasi kanë tentuar disa herë ta transferojnë në Etihad.

Lexo po ashtu Man City ka gati 125 milionë euro për Mahrez dhe Jorginho

Megjithatë, sipas Daily Mail, tani saga e transferimit të tij te City po vjen tek fundi dhe lojtari shpejt mund të zyrtarizohet.

Ky medium raporton se anësori i Leicesterit është afër një lëvizje prej 60 milionë funtesh apo rreth 68 milionë euro të gjigantët e Ligës Premier.

Bisedimet thuhet se kanë përfunduar dhe Mahrez është vendosur të bëjë testet mjekësore në 48 orët e ardhshme.

Lexo po ashtu City i gatshëm të paguajë 70 milionë euro për Mahrezin

Kampionët u përpoqën të nënshkruajnë me Mahrez edhe në janar, por Leicester donte të fitonte afër 100 milionë funte atëherë dhe transferimi dështoi.

Mahrez në sezonin e fundit me Dhelprat kishte shënuar 12 gola dhe ka bërë 10 asistime në 34 ndeshje. /Telegrafi/