Mali i Zi dënon publikimin e emrave të të infektuarve me coronavirus

Mali i Zi e dënoi publikimin e emrave të të sëmurëve me coronavirus, duke thënë se me këtë veprim shkelen të drejtat themelore të qytetarëve.

Në mediat sociale është shpërndarë një listë me emrat e mbi 60 personave të infektuar nga Podgorica.

Në mesin e të dhënave të tjera janë publikuar edhe numri identifikues dhe viti i lindjes.

Qeveria malazeze u bëri thirrje autoriteteve përgjegjëse shtetërore që të hetojnë burimin e kësaj liste dhe t’i identifikojnë ata që shpërndajnë informacione të tilla.

Najoštrije osuđujemo objavljivanje imena lica oboljelih od #COVID19.
Time se narušavaju osnovna ljudska prava!
Pozivamo nadležne državne institucije da hitno ispitaju gdje je izvor ovog spiska i identifikuju one koji distribuiraju ove informacije. (1/3) #CoronaInfoCG

— Vlada Crne Gore (@VladaCG) April 3, 2020

“Presim që institucionet kompetente të ndërmarrin hapa urgjentë në këtë drejtim dhe të informojnë publikun për rezultatin e hetimit. Kujtojmë që kemi kërkuar të hetohet edhe çështja e 21 marsit, kur është bërë publike një listë e personave në izolim, me numra identifikimi”, tha Qeveria malazeze përmes një postimi në Twitter.

Mali i Zi është bërë vendi i fundit në Evropë që ka raportuar rastet e para me coronavirus më 17 mars dhe aktualisht ka 160 të infektuar. /rel/