LAJMI I FUNDIT:

LVV tërheq vëzhguesit nga Shqipëria, akuza ndaj numëruesve të votave, komisionerëve dhe policisë së shtetit

LVV tërheq vëzhguesit nga Shqipëria, akuza ndaj numëruesve të votave, komisionerëve dhe policisë së shtetit
Foto: Ilustrim

Lëvizja Vetëvendosje në Shqipëri ka publikuar sot vëzhgimin e bërë nga tre kandidatët e pavarur për qarkun e Tiranës, Lezhës dhe Gjirokastrës, përkatësisht Boiken Abazi, Iliaz Shehu dhe Kreshnik Merxhani.

Lëvizja Vetëvendosje pretendon për shkelje ligjore të bëra nga komisionet e qendrave të numërimit gjatë procesit të numërimit të votave. Këto shkelje përfshijnë moslejimin e vëzhguesve të pavarur për të hyrë në qendrat e numërimit, presion për të mos dokumentuar krimet elektorale gjatë procesit të numërimit, injorimin e kërkesave të tre kandidatëve nga komisionet të numërimit të votave, etj.

“Vendime për të mos lejuar vëzhguesit e tre kandidatëve të pavarur të hynë në disa prej  qendrave të numërimit, veçanërisht gjatë procesit të hapjes së kutive. Presioni dhe kërcënimet drejtuar vëzhguesve për të mos dokumentuar me fotografi dhe video krimin elektoral që ka ndodhur brenda qendrave të numërimit. Pengesat direkte edhe të kandidatëve për të hyrë në disa prej qendrave të numërimit, si në rastin e Shkollës “Bajram Curri” në Tiranë. Mosreagimin dhe moskokëçarjen prej komisioneve të numërimit të votave, ndaj kërkesave legjitime të vëzhguesve të tre kandidatëve të pavarur. Eliminimi nga procesverbali i raportimit të votave në “Shkollën e Kuqe” në Tiranë për kandidatin Boiken Abazi në datën 26 prill 2021. Dhuna e pajustifikuar që shpërtheu brenda dhe jashtë shkollës “1 Maji” në Tiranë nga komisionerët si dhe nga forcat e policisë, duke i shtuar brutalitet atmosferës kërcënuese, e duke rrënuar procesin zgjedhor”, shkruan Lëvizja Vetëvendosje.
Një fenomen të cilit Lëvizja Vetëvendosje i ka vënë fokusin është shpallja e votave si të pavlefshme, gjë që është bërë me qëllim nga ana e numëruesve sipas Vetëvendosje në Shqipëri.

“Përsëritja e fenomenit të vjedhjes dhe/ose shpalljes së votës si të pavlefshme nga ana e komisionerëve përmes vendosjes së një “X” të dytë në shumë fletëvotime ku ka patur votim të kandidatëve të pavarur. Kjo gjë është dokumentuar gjerësisht në raportet me shkrim që kemi nga vëzhguesit tanë, por edhe në fotografi, madje edhe në një video të ardhur nga Qarku Gjirokastër”, reagoi LVV në Shqipëri.

Gjithashtu, Lëvizja Vetëvendosje lëshoi akuzë edhe ndaj policisë së shtetit për zbatim të urdhrave të paligjshme.

“Keqpërdorimi i Policisë së Shtetit duke e vendosur në shërbim të zbatimit të urdhrave të jashtëligjshëm që janë dhënë në disa raste prej disa prej kryetarëve të qendrave të numërimit”, tha LVV Shqipëri, duke shtuar se ekipi i LLV është duke grumbulluar prova filmike dhe dëshmi me shkrim për të dorëzuar ankesat pranë organeve përkatëse.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori