Në gjykimin e mjekëve të klinikës “Medicus”, Lutfi Dervishit, i cili akuzohet për trafikim me qenie njerëzore dhe krim të organizuar si dhe Sokol Hajdinit, i akuzuar për lëndim të rëndë trupor, i akuzuari i parë ka dhënë mbrojtjen e tij, duke iu përgjigjur vetëm pyetjeve të prokurores ndërsa i akuzuari i dytë ka vendosur që të mbrohet në heshtje.
I akuzuari Lutfi Dervishi ka thënë se në klinikën “Medicus” në vitin 2008 është kryer një transplantim i veshkave, për të cilin tha se ka qenë operacioni i fundit i cili është kryer para se të mbyllej kjo klinikë.
“A mund t’i thoni Gjykatës nëse ka ndodhur ndonjë transplantim i veshkës në klinikën “Medicus” në vitin 2008”, e pyeti prokurorja Valeria Bolici të akuzuarin.
“Në 2008 ka ndodhur një transplantim siç e di unë”, u përgjigj Lutfi Dervishi duke shtuar se nuk është i sigurt për datën se kur është kryer ky transplantim por që sipas mendimit të tij kjo ka ndodhur në tetor të vitit 2008.
Ndërsa kur u pyet nëse ishte në dijeni për emrin dhe nacionalitetin e pacienteve që i janë nënshtruar transplantimit të veshkës, Lutfi Dervishi tha se këtë e ka kuptuar më vonë kur Policia e kishte thirrur për t’u kujdesur për ta.
“Edhe atëherë nuk e kam ditur emrin e tij por e kam marrë veshë më vonë kur Policia më ka thirrë për me e mbikëqyrë pacientin”, tha ai.
Pastaj prokurorja e pyeti Dervishin se kush e kishte kryer këtë operacion të transplantimit të veshkës. I akuzuari tha se operacionin e kishte kryer dr. Yusuf Sonmez.
Në këtë operacion dr. Dervishi tha se kishte marrë pjesë pasi që i ishte kërkuar të ndërhyjë për të mbyllur plagën e dhuruesit të veshkës.
“Kah fundi i operacionit… Ata e kanë dërguar një motër dhe më kanë thirrë për t’u ndihmuar për ta mbyllur plagën e pacientit”, tha Lutfi Dervishi.
“Sa i përket transplantimit nga një dhurues i gjallë, a ishte ky rasti i parë i transplantimit”, e pyeti prokurorja të akuzuarin. “Unë për këtë e di. Unë e thash atë që e di”, u përgjigj ai.
Më pas prokurorja e pyeti nëse sipas asaj që po dëshmon a do të thotë se operacioni i vetëm që është kryer në klinikën ”Medicus” për transplantim të veshkës, ka qenë ky i fundit.
Për këtë Dervishi tha se ky ka qenë operacioni i vetëm për transplantim të veshkave përveç autotransplantimeve.
“Përveç dy-tri autotransplantimeve që unë i di dhe disa riintervenimeve që janë bërë diku tjetër dhe kanë ardhë te ne u korrigju gabimet, komplikimet e mundshme, për transplantim unë e di vetëm këtë rast, nuk di tjera. Për diçka tjetër unë kam dëgjuar në gjyq”, tha Dervishi.
Sa i përket autorizimit në pikëpamje administrative a ke paraqitur ti ndonjë kërkesë për të kryer transplantimin e veshkave?, e pyeti prokurorja.
“Natyrisht secila klinikë duhet ta ketë edhe një leje pune”, tha Dervishi duke shtuar se klinika ka pasur leje për të kryer ndërhyrje kardiokirurgjike dhe se sipas tij nëse kanë pasur leje për kirurgji atëherë kanë pasur leje për të kryer çfarëdo ndërhyrje tjetër të lëmisë kirurgjike.
“Në qoftë se kemi pasur leje për kirurgji atëherë mund të i zhvillojmë aty të gjitha operacioneve të lëmive kirurgjike”, tha ai.
“Ne kemi pasur edhe konfirmimin e licencës dhe lejen për transplantim shtesë”, u përgjigj i pandehuri
Tutje prokurorja e ka ballafaquar Lutfi Dervishin me disa email-e të cilat ai i kishte shkëmbyer me dr. Sonmezin në të cilat ky i fundit i kishte shkruar Dervishit se po planifikonte të sillte disa pajisje në Kosovë për të kryer ndërhyrje kirurgjike. Në lidhje me këto email-e me të cilat u ballafaqua, Dervishi mohoi se i ka dhënë ndonjë përgjigje Sonmezit duke theksuar se ai atij i kishte thënë që të vinte së pari në Kosovë të takoheshin e që më pas do të diskutonin rreth çështjes së transplantimit të veshkave.
“Unë e kam pasur qëndrimin tim se nuk mund të diskutohet, nën një: pa u licencu ai, dhe e dyta: duhet të vijë në vend të takohemi dhe të bisedomë se nuk njiheshim mes vete”, deklaroi Dervishi.
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert