Eksperti i bujqësisë dhe ish-kryeshefi i Agjencisë Pyjore të Kosovës (APK), Muzafer Luma, ka thënë se pyjet kanë rëndësi jetike për një shtet sipas tij, përveç rëndësisë sa i përket klimës ato kanë rëndësi të madhe edhe në aspektin e ujërave. Luma ka thënë se është rritur edhe vetëdija e qytetarëve për ruajtjen dhe mbrojtjen e pyjeve. Përveç këtyre vlerave të pyjeve, Muzafer Luma thotë se nëse menaxhohen mirë nga to mund të krijohen të hyra nëpërmjet turizmit.
Cila është rëndësia e pyjeve?
Luma: Pyjet për një komb kanë funksion multidisiplinare duke filluar nga aspekti klimatik ngase janë rregullatorë të klimës dhe ujit. Pastaj edhe në aspektin ekonomik pyjet jo rrallëherë kanë ndikuar në qetësinë sociale të një vendi, i cili ka ndodhur edhe me ne pas lufte. Ndërsa edhe në aspektin strategjik e dimë se në periudhën jo të largët pyjet kanë qenë kala për popullatën.
Në botë ndodhin ndryshime klimatike, a kanë ndikim pyjet në ketë drejtim?
Luma: Ndryshimit klimatike që po ndodhin kohëve të fundit në botë kryesisht po ndodhin nga efektet serrë që po ndikojnë ndotja e atmosferës përmes industrisë së rëndë dhe shpyllëzimet në masë të madhe.
Çfarë duhet të bëjmë për ta rritur vlerën e pyjeve, edhe në aspektin e turizmit?
Luma: Konsideroj se edhe popullata ka filluar të vetëdijesohet dhe të ruaje pyjet si nga zjarret ashtu edhe nga dëmtimet për faktin se pyjet tani po sjellin të ardhura përmes turizmit ngase popullata po kërkon natyrë të qetë dhe freski dhe këtë po e gjejnë në pyje. Peizazhi me drunj dhe natyrë të mirë po bëhet ambient i të hyrave përmes turizmit rural. Edhe ky fakt po ndikon. Me të madhe kanë filluar kohëve të fundit te ndërtohen vikend shtëpiza, resorte të ndryshme në pyje. Po konsideroj se shteti duhet të investojë në politika afatgjate në mbrojtjen e pyjeve duke filluar te zgjidhe alternativat tjera të ngrohjes, pra të mos jetë druri lëndë e parë ngrohëse, pastaj të kontrollojë në mënyrë strikte kapacitetet përpunuese të drurit në mënyrë që të mos përpunohet asnjë drurë i prerë ilegalisht.
Por si duhet ta rrisim vlerën e drurit?
Luma: Për t’ia rritur vlerën pyjeve duhet bërë certifikimi i tyre ngase me certifikim jo vetëm që rritet vlera e drurit por edhe e produkteve dytësore të pyjeve siç janë frutat e malit( boronicë, manaferrë, kërpudha, bimë mjekësore etj) që tregu evropian i kërkon në sasi të mëdha këto produkte. Pra, fjala është për certifikimin me standarde Forestry Stewardship Councill (FSC).
Ndryshe, Kosova ka 481 mijë hektarë me pyje, të cilat mbulojnë 44.7% të territorit , prej tyre 62% e sipërfaqeve pyjore i përkasin sektorit publik, ndërsa 38% atij privat, derisa volumi i përgjithshëm i masës drusore konsiderohet të jetë 46.331 milionë m³ dhe rritja vjetore në nivel vendi është 1.55 milion m³, ndërkaq rritja vjetore për hektarë është 3.3 ha m³. Edhe pse ju i keni shumica të njohura këto të dhëna, besoj që e dini se një e dhënë mjaft pozitive e dalë nga ky inventarizim është fakti se Kosova për një periudhë 10 vjeçare ka shtuar sipërfaqet pyjore për 20,200 ha ose rreth 5%. /Veriu.Info/Telegrafi/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Modë apo relaks?
StaffiX ofron trajnim për Bazat e Menaxhimit të Burimeve Njerëzore
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre