Liverpooli refuzoi një ‘mega ofertë’ nga Arabia Saudite – kjo la të mërzitur yllin e tyre

Sulmuesi i Liverpoolit, Darwin Nunez ka mbetur i frustruar mbi faktin se klubi refuzoi një ‘mega ofertë’ nga Al-Nassr për transferimin e tij, para se klubi arab të nënshkruajë me Jhon Duran nga Aston Villa. 

Sipas The Sun, klubi arab kishte shprehur interesim serioz për të siguruar shërbimet e Nunez dhe ishin të gatshëm të bëjnë një ofertë të madhe për ta joshur atë të largohet nga ‘Anfield’. 

Sidoqoftë, Liverpooli e bëri të qartë se ata nuk e kanë ndërmend ta lejojnë largimin e 25-vjeçarit. 

Al-Nassr më pas eventualisht e ktheu vëmendjen e tyre tek Jhon Duran i Aston Villës, duke finalizuar transferimin e sulmuesit kolumbian për 64 milionë euro. 

Thashethemet për të ardhmen e Nunez u rritën kur ai u përjashtua nga skuadra e Liverpoolit për humbjen e tyre ndaj PSV Eindhoven në Ligën e Kampionëve. 

Megjithatë, Slot më pas e kishte sqaraur se sulmuesi po përballej me një sëmundje të vogël dhe se ai nuk u la jashtë për ndonjë arsye transferimi. 

Lexo po ashtu Shanset e Ligës Premier për të marrë një vend shtesë në Ligën e Kampionëve sezonin e ardhshëm

Deri më tani këtë sezon, Nunez ka shënuar gjashtë gola dhe ka dhuruar katër asistime në 29 paraqitje në të gjitha garat. 

Paraqitjet e tij nuk kanë pasur konsistencë, megjithatë, ai është dëshmuar në disa momente kyçe, duke përfshirë dy golat e shënuar ndaj Brentfordit rreth dy javë më parë./Telegrafi/