Kosova ka qenë nikoqir i Gjibraltarit në ndeshjen miqësore që u zhvillua në stadiumin “Fadil Vokrri” në Prishtinë, të cilën e fitoi me rezultat 1-0.

Kjo përballje do t’i shërbejë trajnerit Bernard Challandes si përgatitje para sfidës kualifikuese ndaj Malit të Zi që zhvillohet të hënën mbrëma.


Telegrafi ju mban të informuar në kohë reale për të gjitha detajet e këtij takimi.


Lajme Live

1 muaj

Përfundon ndeshja

Kosova merr një fitore të merituar kundër Gjibraltarit me golin e vetëm të shënuar nga Florent Hasani. Skuadra jonë meritoi triumf me epërsi më të lartë pasi e dominoi sfidën dhe krijoi raste të njëpasnjëshme, por vetëm një u konkretizua.

1 muaj

90’+1 Janë dhënë pesë minuta lojë shtesë, ndërkohë që Kosova është në epërsi prej një goli.

1 muaj

86′ Ka rënë paksa tempi i lojës, edhe pse ‘Dardanët’ po e dominojnë sfidën.

1 muaj

81′ Vazhdon dominimi i Kosovës duke krijuar raste të njëpasnjëshme, megjithëse finalizimi nuk është i duhuri. Tifozët po krijojnë atmosferë të mirë, edhe pse është ndeshje miqësore.

1 muaj

Në fotografi, momenti i festës së golit

(Foto: Telegrafi/Ridvan Slivova)

(Foto: Telegrafi/Ridvan Slivova)

(Foto: Telegrafi/Ridvan Slivova)

(Foto: Telegrafi/Ridvan Slivova)

(Foto: Telegrafi/Ridvan Slivova)

(Foto: Telegrafi/Ridvan Slivova)

1 muaj

Goooool, Kosova në epërsi

69′ Goooool… Pas një harkimi të ulët në zonë, Florent Hasani goditi fuqishëm dhe topi u devijua nga Atdhe Nuhiu për të përfunduar në rrjetë.

(Foto: Telegrafi/Ridvan Slivova)

1 muaj

63′ Valon Berisha lëshon fushën, në vend të tij inkuadrohet Idriz Voca.

1 muaj

61′ Raste të njëpasnjëshme. Valon Berisha godet, por topi ishte jashtë shtyllës.

1 muaj

59′ Harkim në zonë nga Berisha, Xhemajli gjuan pranë portës.

1 muaj

56′ Harkim i mirë nga Hadërgjonaj, i cili nuk arrin te Nuhiu.

1 muaj

53′ Tjetër përpjekje nga largësia, kësaj radhe goditi Paqarada, por përfundoi jashtë.

1 muaj

49′ Hasani provoi një goditje nga jashtë zonës, por ishte mbi portë.

1 muaj

Fillon pjesa e dytë

Trajneri Bernard Challandes bën ndryshime pas pjesës së parë.

Florent Hasani inkuadrohet në vend të Florent Muslija.

Elbasan Rashani është inkuadruar në vend të Bernard Berishës.

Lirim Kastrati ka hyrë në vend të Edon Zhegrovës.

Leart Paqarada luan në vend të Benjamin Kolollit.

1 muaj

Statistikat e pjesës së parë

(Foto: Flashscore)

1 muaj

Përfundon pjesa e parë

Ka përfunduar pa gola pjesa e parë e ndeshjes miqësore ndërmjet Kosovës dhe Gjibraltarit.

1 muaj

42′ Pas disa lëvizjeve të mira, Zhegrova provoi një goditje nga distanca që përfundoi lart mbi portë.

1 muaj

37′ Një lëvizje e mirë nga Muslija që prodhoi rrezik, por jo edhe efektivitet.

(Foto: Telegrafi/Ridvan Slivova)

1 muaj

36′ Një mundësi iu dha Atdhe Nuhiut, por nuk u shfrytëzua.

(Foto: Telegrafi/Ridvan Slivova)

1 muaj

35′ Një dalje e rrallë e mysafirëve drejt portës së Ujkanit që u ndal me qetësi nga kapiteni i Kosovës.

1 muaj

30′ Vazhdon presioni i Kosovës pas gjysmë ore lojë, mirëpo rezultati është i pandryshueshëm dhe skuadra jonë nuk po arrin të tregohet e efektive para portës.

1 muaj

29′ Tjetër goditje dënimi pranë vijës së gjashtëmbëdhjetëmetërshit. Valon Berisha sërish ishte pranë topit, mirëpo goditi përmbi portë.

1 muaj

25′ Një depërtim në zonë nga Kololli që përfundoi pa sukses. Vazhdon presioni i Kosovës në përpjekje për të shënuar.

1 muaj

22′ Tjetër rast i mirë për Kosovën. Bernard Berisha nuk u tregua i saktë.

1 muaj

21′ Goditje e lirë për Kosovën. Valon Berisha harkoi në zonë, por nuk rezultoi i rrezikshëm.

1 muaj

13′ Rast shumë i mirë që Kosova të kalonte në epërsi. Bernard Berisha depërtoi nga krahu i majtë dhe harkoi mirë në zonë, mirëpo Florent Muslija e dërgoi topin mbi portë.

1 muaj

5′ Fillim i qetë i ndeshjes nga të dyja skuadrat, me skuadrën tonë që fillon ta marrë iniciativën.

(Foto: Telegrafi/Ridvan Slivova)

(Foto: Telegrafi/Ridvan Slivova)

1 muaj

Fillon ndeshja

Me shumë ndryshime në skuadër, Kosova kërkon një triumf ndaj Gjibraltarit.

1 muaj

Skuadrat kanë zbritur në fushë. Gjithçka gati për fillimin e ndeshjes. Intonohen himnet e dy shteteve.

1 muaj

Challandes i lë pesë lojtarë jashtë

Milot Rashica, Vedat Muriqi, Amir Rrahmani, Bersant Celina dhe Herolind Shala do ta shikojnë ndeshjen nga tribunat e stadiumit dhe do të ruhen për ndeshjen ndaj Malit të Zi.

1 muaj

Kryeqyteti gati për ndeshjen Kosova – Gjibraltari

1 muaj

Disa të dhëna para ndeshejs

Renditja sipas FIFA-s
Kosova: 119
Gjibraltari: 197

Vlera në treg
Kosova: 72.13 milionë euro
Gjibraltari: 250 mijë euro

Mosha mesatare
Kosova: 24.8 vjeç
Gjibraltari: 24.6 vjeç

Gjashtë ndeshjet e fundit
Kosova: BBBFFH
Gjibraltari: HHHHHH

Renditja në grup
Kosova: A3
Gjibraltari: D5

1 muaj

Të gjitha rrugët çojnë në “Fadil Vokrri”

1 muaj

Formacionet zyrtare

Formacioni starues i Kosovës: Ujkani, Hadergjonaj, Rashkaj, Muslija, Xhemajli, V. Berisha, Kololli, Dresevic, Nuhiu, Zhegrova, Berisha.

Formacioni starues i Gjibraltarit: Goldwin, J. Chipolina, Sergeant, L. Casciaro, Badr, Olivero, R. Chipolina, Mouelhi, Ant. Hernandez, De Barr, Britto.

(Foto: uefa.com)

1 muaj

Presidenti i FFK-së shtroi drekë për delegacionin e Gjibraltarit

Në prag të ndeshjes Kosovë – Gjibraltar, presidenti i FFK-së, Agim Ademi, ka shtruar drekë zyrtare për delegacionin tre anëtarësh të Federatës së Futbollit të Gjibraltarit, në të cilën i njoftoi ata për progresin që ka bërë FFK-ja pas anëtarësimit në UEFA e FIFA.

Ademi rikujtoi se ashtu sikurse Gjibraltari edhe Kosova pati rrugë të vështirë deri në thyerjen e izolimit dhe tashmë të gjithë janë bindur se Kosova e ka merituar qysh moti të jetë pjesë e dy institucioneve kryesore të futbollit, pasi është shndërruar në storie të suksesit.

(Foto: ffk-kosova.com)

Të dyja palët u dakorduan që në të ardhmen të kenë bashkëpunim edhe më të ngushtë dhe si dy federata të vogla ta ndihmojnë njëra – tjetrën në zhvillimin e futbollit në vendet e tyre.

Në fund të drekës të dyja palët uruan që ndeshja e sotme të kalojë në frymë të korrektësisë maksimale dhe të kalojë pa lëndime të futbollistëve, derisa si zakonisht u shkëmbyen edhe dhurata.

1 muaj

FFK njofton për rregullat që duhet t’i zbatojnë qytetarët për ndeshjen Kosovë – Gjibraltar

Federata e Futbollit e Kosovës njofton opinion publik se dyert e stadiumit “Fadil Vokrri” për ndeshjen miqësore Kosova – Gjibraltari, që zhvillohet sonte (e enjte) në ora 18:00, do të hapen në ora 16:00.

Asnjë person, përfshirë edhe fëmijët pavarësisht moshës nuk do të lejohen të hyjnë në zonën e stadiumit pa biletë.

Në hyrjet e stadiumit si dhe brenda stadiumit do të aplikohen masa të rrepta kontrolli, prandaj luten të gjithë qytetarët që të lexojnë me kujdes rregullat e mëposhtme dhe t’i respektojnë kërkesat.

Qytetarët të cilën nuk i përfillin rregullat e sigurisë mund të jenë subjekt për ndëshkim nga organet ligjore.

Rregullat:
1. Dyert e stadiumit hapen ne ora 16:00.
2. Luten qytetaret që të vijnë me kohë ne stadium, duke filluar nga ora 16:00 për të shmangur tollovinë.
3. Nuk shiten bileta në zonën e stadiumit. Qytetarët të cilët nuk kanë bilete luten të mos vijnë në zonën e stadiumit sepse shkaktojnë tollovi. Qytetarët pa biletë do të largohen nga policia.
4. Nuk lejohet hyrja pa biletë. Një bilete një person. Asnjë person, pavarësisht moshës, nuk do të lejohet të hyjë në stadium pa biletë. Kjo vlen edhe për fëmijët.
5. Gjerat qe nuk lejohen ne stadium do te konfiskohen ne hyrje. Gjerat e palejuara përfshijnë:
– Mjetet piroteknike
– Shishet e qelqit pavarësisht madhësisë
– Shishet e plastikës pavarësisht madhësisë
– Pijet alkoolike dhe substancat narkotike
– Ushqim i çfarëdo lloji (përveç ushqimit te fëmijëve 24 muajsh) si fara, çipsi, smoki, kikirikë, lajthi, badem, etj.
– Ombrella
– Armë zjarri ose armë të ftohta apo cfarëdo mjeti tjetër që mund të përdoret si armë
– Sende të rënda (çanta shpine, karrige të palosshme, etj) etj.
– Kamera profesionale dhe video kamera
– Pajisjet elektronike, mekanike ose manuale, që prodhojnë zhurmë, si megafonë, bori ose vuvuzele
– Materialet promovuese ose komerciale
– Çdo material promovues racist, ksenofobik, politik, fetar
6. Luten qytetarët që gjatë intonimit të himneve të respektohet qetësia
7. Qytetarët njoftohen që, për arsye të sigurisë, nuk lejohet bllokimi i rrugëve të evakuimit në tribuna. Prandaj, ulja në shkallët e stadiumit është rreptësisht e ndaluar.

1 muaj

Dardanët janë në formë të lartë duke pasur formë superiore për një periudhë të gjatë, para se të pësonin ndaj Anglisë që e ndërpreu serinë gjatë pa humbje. Por, nuk duhet harruar se Kosova bëri paraqitje mbresëlënëse.

(Foto: Clive Mason/Getty Images/Guliver) 

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

1 muaj

Kosova i ka kryer të gjitha përgatitjet dhe është gati për këtë takim, ndërsa trajneri Challandes pritet t’u japë mundësi lojtarëve që kanë luajtur më pak deri më tani.

1 muaj

Kosova ka shfrytëzuar pushimin për ndeshjet e përfaqësueseve për të aranzhuar një miqësore me Gjibraltarin, e cila do të zhvillohet në “Fadil Vokrri” nga ora 18:00.

1 muaj

Kosova dhe Gjibraltari nuk janë takuar asnjëherë më parë, kjo sfida e parë ndërmjet dy skuadrave.

1 muaj

Formacioni i mundshëm i Kosovës

Ujkani, Hadergjonaj, Xhemajli, Dresheviq, Paqarada, Voca, Rashkaj, Muslija, Hasani, B.Berisha, Nuhiu.

(Foto: Telegrafi/Ridvan Slivova)