Kryetari i Degës së Partisë Demokratike të Kosovës në Prishtinë, Lirak Çelaj ka dalë në përkrahje të deklaratës së presidentit të Kosovës, Hashim Thaçi për korrigjim të kufijve ndërmjet Kosovës e Serbisë.
Çelaj, në një postim në Facebook, ka thënë se është kundër refuzimit apriori të korrigjimit të kufirit, vetëm pse këtë propozim e ka bërë Hashim Thaçi.
Postimi i plotë i Çelajt në Facebook:
Nuk po shoh mundësi reale më të mirë sesa korrigjimin e kufirit për të përfunduar njëherë e mirë armiqësinë me Serbinë.
Po ashtu nuk po i kuptoj sidomos ata që trumbetojnë bashkimin kombëtarë dhe që e kundërshtojnë këtë ide. Si mund të jesh pro bashkimit kombëtarë dhe kundër bashkëngjitjes së Luginës. Kjo po i bie se ne, Kosova, u rehatuam, u çliruam, e tash kush po brengoset për Luginën që mbeti në Serbi.
Mund ta kuptoj skepticizmin se a mund të realizohet ose jo ky “korrigjim” në përputhje me pretendimet tona reale. Por refuzimi apriori vetëm se po e propozon presidenti Thaçi dhe se për inat të tij duhet të rreshtohemi kundër, nuk më duket as racional, as i arsyeshëm historikisht. Mendoj që në çështje kaq të rëndësishme duhet të jemi unikë dhe t’i tejkalojmë inatet personale dhe të veprojmë në të mirë të kombit dhe të ardhmes së gjeneratave që do të vijnë pas nesh.
Reagimet e disa shqiptarëve të Kosovës, por edhe jashtë saj, se “me këtë po prishet stabiliteti i rajonit dhe po hapet kutia e Pandorës” më ngjajnë qesharake, thuajse ne qenkam ata që duhet të flijojmë pjesë të kombit e të territorit për rehatinë e të tjerëve. Gjithsesi janë të tjerë ata që kanë forcën e mundësinë që të kujdesen për paqen në rajon.
Edhe më qesharake për mua është argumenti se Ahtisari ka marrë Çmim Nobel për paqe dhe nëse bie poshtë Plani i tij për Kosovën mund t’i revokohet çmimi. Tash për shkak të çmimit të tij ne duhet të sakrifikojmë të ardhmen tonë. Apo se ndryshimi i kufijve bëhet vetëm me luftë. E vërtetë është se bëhet me luftë, por vetëm kur bëhet pa vullnetin e të dyja palëve. Në këtë rast po flasim për një proces paqësor me garantues të superfuqive. Si do të ketë luftë nëse bëhet me marrëveshje dhe me garantues?
Në fund të fundit ne kemi thënë vazhdimisht se jemi sui generis. Të bëhemi edhe me këtë hap shembull pozitiv në rajon se si mund të zgjidhen problemet me dialog e jo me luftë, me zgjidhje që evitojnë burimet për një luftë të mëvonshme, ndoshta.
Natyrisht krejt ky korrigjim apo shkëmbim territoresh do të kishte kuptim nëse respektohen raportet simetrike të korrigjimit dhe ku një pjesë a Pakos së Ahtisarit to binte poshtë meqë edhe përqindja e strukturave etnike në Kosovë do të ndërrohej. Kuptohet gjithnjë duke garantuar për të gjitha minoritet të drejta me standardet më të larta, pa lënë hapësirë për krijimin e një shteti jofunksional e me aq telashe, të ngjashëm me Bosnjë e Herecegovinën.
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Një muaj paraburgim për shqiptarin nga Kosova të arrestuar në Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi