LAJMI I FUNDIT:

Lind foshnja e parë me tre prindër në Britani

Lind foshnja e parë me tre prindër në Britani

Një foshnjë ka lindur duke përdorur ADN-bë e tre personave për herë të parë në Mbretërinë e Bashkuar, ka konfirmuar rregullatori i fertilitetit.

Shumica e ADN-së së fëmijës vjen nga dy prindërit e saj dhe rreth 0.1 për qind nga një grua e tretë, donatore, transmeton Telegrafi.

Teknika pioniere është një përpjekje për të parandaluar rrezikun që fëmijët të lindin me sëmundje shkatërruese mitokondriale.

Deri në pesë foshnja të tilla kanë lindur, por nuk janë dhënë detaje të mëtejshme.

Sëmundjet mitokondriale janë të pashërueshme dhe mund të jenë fatale brenda ditëve apo edhe orëve pas lindjes.

Disa familje kanë humbur shumë fëmijë dhe kjo teknikë shihet si e vetmja mundësi që ata të kenë një fëmijë të shëndoshë të tyren.

Mitokondritë janë ndarjet e vogla brenda pothuajse çdo qelize të trupit që konvertojnë ushqimin në energji të përdorshme.

Siç thuhet, mitokondritë e dëmtuara nuk ushqejnë trupin dhe çojnë në dëmtim të trurit, humbje të muskujve, dështim të zemrës dhe verbëri.

Ato transmetohen vetëm nga nëna. Pra, trajtimi i dhurimit mitokondrial është një formë e modifikuar e IVF-it që përdor mitokondri nga një vezë e shëndetshme dhuruese. /Telegrafi/