Limaj konfirmon takimin me Abdixhikun: Ishte një takim jashtëzakonisht i mirë

Kryetari i Nismës Socialdemokrate, Fatmir Limaj para nisjes së seancës së 34-të ka konfirmuar se është takuar me kryetarin e Lidhjes Demokratike të Kosovës, Lumir Abdixhiku.

Limaj në një deklaratë para gazetarëve e ka cilësuar si jashtëzakonisht të mirë takimin me Abdixhikun.

“Kemi pasur një takim shumë të mirë, i kemi biseduar të gjitha temat… kemi pasur një bisedë shteruese dhe mund të them që ka qenë një takim jashtëzakonisht i mirë… Kemi biseduar për të gjitha temat që e preokupojnë Kosovën, që i kemi përgjegjësi… zhvillimet politike, ekonomike, rajonale…angazhimet tona, obligimet që duhet me i kry… ka qenë një bisedë jashtëzakonisht e mirë…”, tha ai, raporton Telegrafi.

Kryetari i Nisma-s tha se do të vazhdojnë të takohen për të biseduar për tema të rëndësishme.

Ai shprehu shqetësimin për gjendjen ekonomike, ndërsa tha se nëse Kosova vazhdon të mbetet kështu si është do të rritet shkalla e pasigurisë në vend.

“Shpresoj se edhe kolegët e tjerë e kuptojnë se duhet të veprojmë shpejt sepse situata e sigurisë mund të komplikohet…në kuptimin që po e shihni, bota është e trazuar, rajoni është trazuar… ne nuk mund të sillemi rahat duke ditur se plot rreth nesh punojnë që këtë shtet ta zhbëjnë, haptazi… po i shihni mesazhet që na vijnë nga fqinjët dhe habitem se ma lehtësi i kalojmë këto tema e nuk na lënë përshtypje…siguria nuk punohet në ditën e fundit, investohet çdo ditë në të”, u shpreh Limaj. /Telegrafi/