Lily James tregon anën e saj gotike në fushatën e re të markës Versace

Lily James është një kameleon i vërtetë i stilit.

Në fillim të këtij viti, aktorja bëri bujë me transformimin e saj mbresëlënës në Pamela Anderson për “Pam & Tommy” të Hulu – dhe tani, ajo shfaqi anën gotike për Versace.

Në fushatën e re të shtëpisë së modës për vjeshtën 2022, duke theksuar çantat e saj Greca Goddess, bukuroshja britanike mban një parukë të zezë, vetulla të zbardhura dhe lëkurë të zezë.

Një fotografi e tregon 33-vjeçaren duke bërë një pozë me një fustan të zi me korse, doreza të ngjashme dhe buzëkuq ngjyrë vjollce të errët; në një tjetër, ajo mban një statujë klasike me një paraqitje të kuqe ngjitëse.

Lexo po ashtu Lily James mahnit me një fustan të prerë të konvertueshme në premierën e “Pam & Tommy”

“Kur Lily doli para kamerës ajo u transformua!”, tha dizajnerja Donatella Versace, e cila postoi foto nga seti i xhirimit në Instagram.

“Veshja e koleksionit zhbllokoi qëndrimin e saj personal dhe ajo mori një energji dhe fuqi të re. Pikërisht kështu duhet të ndiheni kur vishni Versace!”.

Një njoftim për shtyp nga marka e përshkroi “qëndrimin impulsiv dhe të guximshëm” të James si ‘mishërim i besimit në Versace’”.

Fansat nuk mund të kalonin pamjen e yllit pa e komentuar. “Nuk do të të kisha njohur kurrë”, shkroi njëri, ndërsa disa i quajtën shkrepjet “absolutisht mahnitëse”. /Telegrafi/