Gjykata e Tiranës ka lënë në burg Gjergj Laçin, të arrestuar dy ditë më parë për ngujimin e familjes së tij në banesë prej gjashtë vitesh.
Në seancë ka pretenduar se nuk ka ushtruar dhunë ndaj dy djemve dhe gruas, teksa sipas tij nuk i ka penguar që të dalin jashtë. Për arsyen pse nuk i dërgon dy të miturit në shkollë, deklaroi se nuk kanë asnjë nevojë. Ka pretenduar se është i pafajshëm si dhe se fishekët dhe thikat i mbate për punë.
Edhe në deklarimin e dhënë në polici, Laçi mohon të ketë ushtruar dhunë kundër gruas dhe dy djemve të tij të mitur. 52-vjeçari pretendon gjithashtu se fishekët dhe armët e ftohta që iu gjetën në banesë nuk i kishte për të frikësuar familjen e tij.
Në deklarim, Laçi thotë se fishekët i kishte groposur pasi i kishte në zotërim që prej vitit 1997 dhe kishte pasur frikë t’i dorëzonte në polici. Ndërsa thikat i përdor për të shartuar pemët. Ai ka pranuar se nuk punon dhe nuk del fare nga shtëpia, përveç se për të shkuar çdo ditë në xhaminë e Medresesë së Tiranës.
Laçi u arrestua të dielën pasi akuzohet se mbante prej 6 vite të ngujuar gruan dhe dy djemtë e tij në shtëpi. Në dëshmitë e tyre, ata kanë treguar se ai u dhunonte sistematikisht dhe nuk i lejonte të dilnin nga shtëpia.
Gjatë kontrollit në banesë, policia thotë se Laçit iu gjetën dy thika dhe një kosore në dhomën e gjumit, ndërsa në bodrumin e banesës private iu gjet e groposur në tokë një fuçi plastike me fishekë të kalibrave të ndryshëm të cilat u sekuestruan.
Ndërkohë, bashkëshortja e 52-vjeçarit Gjergj Laçi është shprehur se ai ka ushtruar prej 12 vitesh dhunë fizike dhe psikologjike, në mënyrë të vazhdueshme dhe të përsëritur ndaj saj dhe fëmijëve të mitur, dhe së fundmi i ka mbajtur të gjithë të mbyllur në shtëpi, duke i kërcënuar nëse dilnin jashtë.
Sipas saj, dhunën fizike bashkëshorti e ka ushtruar në prani të fëmijëve, duke i krijuar shumë stres dhe frikë. Elena kallëzon se bashkëshorti i saj paraqet rrezikshmëri të lartë, pasi e ka parë para disa vitesh duke fshehur lëndë eksplozive dhe municion në një gropë në oborrin e shtëpisë.
Djali i mitur i Gjergj Laçit, të arrestuar të dielën sepse mbante të ngujuar prej gjashtë vitesh në shtëpi gruan dhe fëmijët, ka dhënë dëshmi tronditëse mbi atë që ndodhte brenda banesës së tyre në Tiranë. Prej një viti në shtëpi mungonte energjia elektrike, për shkak se familja nuk kishte para të paguante dritat.
Djali, me iniciale S.L. tregon se babai ishte kthyer nga Italia 20 vite më parë, por nuk kishte punuar kurrë në Shqipëri. Së fundmi Laçi kishte nisur të praktikonte edhe fenë myslimane dhe shkonte çdo të premte në xhaminë e Medresesë së Tiranës.
Djali tregon gjithashtu se i ati kishte shkëputur marrëdhëniet me të gjithë të afërmit e tij dhe të gruas. Në dëshminë rrëqethëse, i mitur thotë për hetuesit se Laçi ushtronte dhunë kundërt nënës së djemve të tij duke e goditur “me shkop, shuplaka dhe grushte”. Madje mamaja i ka treguar se i ka vënë edhe thikën në fyt. Sipas dëshmisë së djalit, familja mbijetonte vetëm falë ushqimeve që u linin te dera e shtëpisë xhaxhai, gjyshi apo daja.
Në dosjen hetimore konstatohet se dy djemtë e Laçit janë në gjendje shumë të renduar psikologjike, pasi kohët e fundit nuk merrnin më as mundimin për t’i kërkuar babait që të dilnin. Djali tregon gjithashtu se babai mbante thika në brez kur qëndronte në shtëpi.
Djali tjetër i familjes, A.L., deklaron se që prej tetorit të vitit 2021 babai nuk i lejonte më të dilnin nga shtëpia. Djali gjithashtu konfirmon dhunën ndaj mamasë së tyre por edhe ndaj tyre, kur ishin më të vegjël. Adoleshenti raportohet t’u ketë thënë hetuesve se ëndrra e tij më e madhe është “të shkoj në shkollë dhe të bëj një kurs futbolli”. /A2 CNN/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre