Libraria “Dukagjini” sugjeron veprat e të nominuarve për çmimin Man Booker 2019

Si çdo vit, edhe sivjet gjashtë shkrimtarë ishin pjesë e listës së shkurtë të nominimeve për çmimin prestigjioz letrar, Man Booker: Margaret Atwood, Bernardine Evaristo, Selman Rushdie, Elif Shafak si dhe Lucy Ellmann. Veprat me të cilat janë nominuar, janë si më poshtë.

“The Testaments” nga Margaret Atwood

Një nga fitueset e këtij viti të International Booker Prize, Margaret Atwood, u nderua për pjesën e dytë të librit “The Handmaid’s Tale” (Rrëfenja e shërbëtores). Tek “The Testaments” ngjarja vendoset pesëmbëdhjetë vjet pas zhvillimeve të vëllimit të parë. Është ky një roman me ngjyrime feministë, meqë përmes tri personazheve rrëfen pozitën e gruas në shoqërinë kanadeze.

“Girl, Woman, Other” nga Bernardine Evaristo

Evaristo triumfoi sivjet tok me Atwoodin. Libri i saj rrëfen jetën e dymbëdhjetë personazheve, shumica gra me ngjyrë. Edhe pse ngjarjet zhvillohen në kohë të ndryshme, ato ndërlidhen me njëra tjetrën për të pasqyruar sfidat e jetës së përditshme.

“Quichotte” nga Salman Rushdie

Frymëzuar nga klasiku i Miguel de Cervantesit, “Don Kishoti i Mançës”, romani flet për një indigjen amerikan që lëviz nëpër Amerikë në kërkim të një prezantuesi televiziv pas të cilit ai është i fiksuar.

“10 Minutes 38 Seconds in This Strange World” nga Elif Shafak

Shkrimtarja turke u nominua për veprën që flet për anët e errëta të Stambollit – për femrën viktimë të shoqërisë patriarkale dhe me paragjykime.

“An Orchestra of Minorities” nga Chigozie Obioma

Bazuar pak në “Odisenë” e Homerit dhe besëtytnitë nigeriane, romani flet për personazhin Chinonso jeta e të cilit ndryshon kur ndalon një grua të re nga akti i vetëvrasjes.

“Ducks, Newburyport” nga Lucy Ellmann

Një grua në mesomoshë, e martuar, nënë e katër fëmijëve që trajtohet nga sëmundja e kancerit e që zgjedh gatimin në vend të mësuesisë… është kryepersonazh i romanit që cilësohet si monolog apo polemikë për realitetin modern amerikan.