LG pozitiv

LG Electronics për çerekun e fundit të vitit të kaluar paraqiti profit të vogël, pikësëpari duke iu falënderuar kthimit në afarizmin me margjinat pozitive të departamentit të telefonave celularë.

Gjatë tri muajve nga fillimi i tetorit deri në fund të dhjetorit të vitit të kaluar LG punoi me profit prej 23 miliard won (20.5 milion dollarë), derisa në periudhën e njëjtë të vitit të kaluar pati humbje prej 246 miliard won, e një çerek më herët me humbje prej 140 miliard won. Qarkullimi i tërësishëm i kompanisë gjatë çerekut të katërt ishte 13.81 bilion won, që është 6% më pak se një vit më herët.

Për rezultatet pozitive më meritor është afarizmi me telefonat celularë, i cili pas gjashtë çerekëve me humbje, pati profit minimal. Gjithashtu theksohet se edhe afarizmi me televizorë ishte prapë pozitiv, me cilën gjë LG doli të jetë një nga prodhuesit e rrallë të televizorëve që punoi pa humbje.

Për tërë vitin në LG paralajmërojnë rritje të qarkullimit prej 6%, në 57.6 bilion won. /Telegrafi/