LAJMI I FUNDIT:

Lekaj, Sefaj e Maxhuni nënshkruajnë Deklaratën për rritjen e sigurisë në trafik

Lekaj, Sefaj e Maxhuni nënshkruajnë Deklaratën për rritjen e sigurisë në trafik
????????????????????????????????????

Ministri i i Infrastrukturës, Pal Lekaj takoi sot ministrin e Punëve të Brendshme, Flamur Sefaj, drejtorin e Policisë së Kosovës, Shpend Maxhuni dhe Drita Perezic, këshilltare e lartë ekzekutive e MPB-së nga ICITAP, me të cilët ka biseduar lidhur me sigurinë në trafik.

Lekaj me këtë rast tha se kanë nënshkruar deklaratën për rritjen e sigurisë dhe standardeve të komunikacionit rrugor,  duke e shpallur vitin 2018 si vit të sigurisë dhe standardeve në komunikacion.

“Jemi të vetëdijshëm për rëndësinë që ka Ministria e Infrastrukturës në shumë çështje që kanë të bëjnë me sigurinë në komunikacionin rrugor dhe është vërtet shqetësuese numri i madh i aksidenteve që kanë ndodhur këtë vit, me theks aksidentet fatale, ku humbja e jetëve të njerëzve ka arritur në 135. Faktorët janë të shumtë, e ndër ta edhe mungesa e sinjalizimit të rrugëve, ndriçimit dhe standardeve që ne ju ofrojmë qytetarëve. Ne kemi punuar në drejtim të realizimit të kushteve të duhura për të pasur një sinjalizim në nivelin e duhur, por në këtë kanë ndikuar procedurat sipas Ligjit të Prokurimit Publik. Brenda këtij viti do të përmbyllim anën teorike të projektimit për investime në infrastrukturë, sinjalistikë vertikale dhe horizontale dhe në ndriçim. Nga viti i ardhshëm do të fillohet në mënyrë uniforme implementimi i këtyre projekteve. Duke qenë se për ne është shumë i rëndësishëm bashkëpunimi me Ministrinë e Punëve të Brendshme, sidomos me Policinë e Kosovës, sot nënshkruam Deklaratën e Përbashkët të Zotimit që nga viti i ardhshëm të kemi siguri më të madhe në rrugë për qytetarët”, tha Lekaj.

Ndërsa, ministri Sefaj theksoi se që nga marrja e mandatit ka qenë një ndër prioritet kryesore ulja e numrit të aksidenteve fatale dhe aksidenteve me dëme materiale.

Ai tha se MPB do të përkrahë këtë iniciativë dhe për këtë duhet të përfshihen edhe institucionet  relevante, sidomos Ministria e Diasporës për shkak se është shumë e nevojshme të njoftohen edhe qytetarët tanë të cilin vijnë në Kosovë, ngase, sipas statistikave, gjatë sezonit të pushimeve dhe festave ka rritje të aksidenteve në trafik.

Drejtori i Policisë së Kosovës, Shpend Maxhuni, vlerësoi se sa i përket aksidenteve në trafik gjendja nuk është mirë.

“Tek ne nuk është marrë shumë seriozisht ndjesia e gjendjes në trafik dhe në këtë mision Policia e Kosovës ka qenë e vetme edhe pse ligji i definon obligimet e secilit institucion, të cilat nuk kanë pasur as gatishmëri as iniciativë”, citohet të ketë thënë Maxhuni.

Ai tha se duhet të vendosen radarët statik, të cilët janë të gatshëm të faktojnë dhe dëshmojnë për secilën shkelje në komunikacion.

Maxhuni njoftoi se gjatë këtij viti në Kosovë kanë ndodhur 16,122 aksidente në komunikacion.

Sipas tij, një nga faktorët që do të ndikonte në ngritjen e sigurisë në komunikacion do të ishte ngritja e vlerës së gjobave për kundërvajtje.

Ndryshe, në fund të këtij takimi u nënshkrua deklarata në mes të Ministrisë së Infrastrukturës, Ministrisë së Punëve të Brendshme dhe Policisë së Kosovës.

Në deklaratën e nënshkruar në mes tjerash thuhet “Viti 2018 do të jetë viti i sigurisë dhe i standardeve në trafikun rrugor. Për këtë qëllim palët deklarohen se do të angazhohen për: përmirësimin e rrjetit të sinjalizimit dhe të ndriçimit në të gjitha rrugët nën përgjegjësi të Ministrisë së Infrastrukturës; miratimi i të gjitha rregullave dhe standardeve të sigurisë për kontrollin teknik të automjeteve; ngritja e efikasitetit të mbikëqyrjes së funksionimit të njësive për patent shofer; miratimi i rregullave dhe standardeve për kontrollin e sigurisë së pjesëmarrësve në trafik; ngritja e numrit të kontrollit të pjesëmarrësve në trafikun rrugor dhe të kontrollit të sigurisë së automjeteve”. /Telegrafi/


Në trend Lajme

Më shumë
Një shtetase e huaj gjendet e vdekur në magjistralen Ferizaj – Prishtinë

Një shtetase e huaj gjendet e vdekur në magjistralen Ferizaj – Prishtinë

Kronika e Zezë
Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Hoxha deputetëve të PDK-së: Pse merreni me Kurtin kur s’keni kapacitet në vendimet e tij

Politikë
Deputeti i PDK-së i ashpër me Kurtin, Kastrati: Është komunist i rrezikshëm, ka lexuar literaturë antiamerikane

Deputeti i PDK-së i ashpër me Kurtin, Kastrati: Është komunist i rrezikshëm, ka lexuar literaturë antiamerikane

Politikë
Komandanti i Gardës së Iowa-s sheh nga afër kapacitetet e Forcës së Sigurisë së Kosovës

Komandanti i Gardës së Iowa-s sheh nga afër kapacitetet e Forcës së Sigurisë së Kosovës

Siguri
​AKI ndihmoi në zbulimin e vendndodhjes së kosovarit të kërkuar për vrasjen në Norvegji

​AKI ndihmoi në zbulimin e vendndodhjes së kosovarit të kërkuar për vrasjen në Norvegji

Lajme
Hoxhaj: Edhe opozita ka përgjegjësi për veprimet e Kurtit

Hoxhaj: Edhe opozita ka përgjegjësi për veprimet e Kurtit

Politikë
Kalo në kategori