Kosova dhe Shqipëria kanë nënshkruar Protokollin e ri për kalimin në kufi të qytetarëve të të dy shteteve, me qëllim të lehtësimit të procedurave dhe evitimit të kolonave të gjata.
Ministri i Brendshëm i Shqipërisë, Taulant Balla në një konferencë për media me ministrin e Punëve të Brendshme, Xhelal Sveçla ka bërë të ditur se me Protokollin e ri, që zëvendëson të vjetrin mundësohet lëvizja me procedura të shpejtuara përgjatë 9 muajve të vitit për qytetarët e Shqipërisë dhe Kosovës në pikën e kalimit kufitar në Morinë.
“Po shkruajmë bashkërisht një faqe tjetër në këtë kapitull të ri të marrëdhënieve të shkëlqyera mes dy shteteve tona, nisur nga vullneti dhe angazhimi i përbashkët mes dy qeverive të vendeve tona, mes dy kryeministrave për të vijuar politikat për lehtësimin e qarkullimit të shtetasve në pikat e kalimit kufitar mes Shqipërisë dhe Kosovës dhe drejt lehtësimit të plotë të kontrolleve…”, tha ai, raporton Telegrafi.
“Sot po nënshkruajmë Protokollin e ri, ndryshues të Protokollit ekzistues për zbatimin e kontrollit të përbashkët kufitar në pikën e kalimit kufitar Morinë-Kukës të nënshkruar më 20 qershor 2022.
Përmes këtij nënshkrimi të këtij protokolli të ri do të mundësohet lehtësimi i procedurave të kalimit, verifikimit kufitar në pikën e përbashkët Morinë-Kukës nga 1 maj deri më 30 shtator dhe nga 1 nëntori deri më 28 shkurt, d.m.th 9 muaj gjatë tërë vitit në ndryshim nga protokolli i vjetër që parashihte vetëm katër muaj, nga 1 qershor deri më 30 shtator”, bëri të ditur ministri Balla.
Siç njofton Telegrafi, ai tha se gjatë kësaj periudhe nuk do të ketë kontrolle të pasaportave dhe kartave të identitetit për shtetasit e dy vendeve.
Balla njoftoi tutje se lehtësimi i procedurave të kalimit kufitar edhe gjatë dimrit janë është bërë për t’i dhënë shtytje sezonit dimëror dhe për të përfituar nga bukuritë natyrore që ofron Kosova gjatë këtij sezoni.
Ndërkaq, edhe ministri i Punëve të Kosovës, Xhelal Sveçla tha se me këtë marrëveshje lehtësohet lëvizja e shtetasve në kufi.
“Me këtë marrëveshje, qytetarët as mos ta dinë se ku ndodhen, thjesht ta dinë se janë të mirëseardhur qoftë në sezonin veror, qoftë në atë dimëror, qoftë në Kosovë apo Shqipëri, ashtu siç edhe unë po ndihem në këtë vend të bukur e historik”, tha Sveçla.
Ministri i Kosovës tha tutje se mbetet që ekspertët e të dyja vendeve të identifikojnë të gjitha nevojat e qytetarëve dhe në komunikim me ta dërgojnë kërkesat.
“Mbesim të përkushtuar për zgjerim të bashkëpunimit në fushat e ministrive tona, me qëllim që qytetarët tanë të lëvizin, të punojnë dhe ndërveprojnë lirshëm”, thotë ministri. /Telegrafi/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës