Leao kthehet në stërvitje te Milani para ndeshjes vendimtare ndaj Interit

Stefano Pioli ka marrë një lajm pozitiv përpara ndeshjes së dytë gjysmëfinale të Ligës së Kampionëve kundër Interit, pasi Rafael Leao mori pjesë në stërvitje me pjesën tjetër të skuadrës së parë në Milanello të dielën në mëngjes.

Reprezentuesi portugez u largua nga fusha në fitoren 2-0 ndaj Lazios në “San Siro” të shtunën e kaluar, pasi pati një problem, i cili përfundimisht e përjashtoi atë nga ndeshja e parë e derbit evropian.

Sipas raportimeve nga Gianluca Di Marzio të dielën, Leao po shkon drejt një rikuperimi para ndeshjes vendimtare të së martës mbrëma në Ligën e Kampionëve.

#SkySport #Milan #Leaohttps://t.co/KvT9L4FlE7

— skysport (@SkySport) May 14, 2023

23-vjeçari thuhet se ka punuar me pjesën tjetër të grupit mëngjesin e së dielës, por nuk ishte pjesë në minutat e fundit si masë paraprake.

Mungesa e Leaos u ndje nga Pioli dhe pjesa tjetër e skuadrës kuqezi gjatë ndeshjes së parë kundër Interit, pasi ata pësuan dy gola pas vetëm 11 minutash.

Milanit do t’i duhet një paraqitje e madhe të martën nëse duan të përmbysin deficitin prej dy golave ​./Telegrafi/