Lartësitë dhe shkallët elektrike janë fobitë e Anxhela Peristerit

Janë të shumtë personazhet e shoubizit shqiptar që vuajnë nga fobi të ndryshme. Në emisionin “E Diell” në Top Channel, Anxhela Peristeri shpjegoi se fobitë e saj janë lartësitë dhe shkallët elektrike.

Në vitin 2015 kur ajo mori pjesë në “Kënga Magjike” në duetin me Erik Lloshin, “T’kam bërë të qash”, i ka ndodhur një episod që i është dashur të bëjë një sakrificë.

“Mbaj mend që Joni Peçi më kishte qepur një fustan stil sirene të gjatë deri në fund të këmbëve dhe ka qenë skena që duhet të zbrisnim përmes shkallëve”, ka kujtuar këngëtarja duke shpjeguar se edhe kur bënte prova me atlete ajo dridhej nga frika.

Lexo po ashtu Të gjitha lajmet nga Anxhela Peristeri

“Tre orë para spektaklit, i them Jonit që unë me këtë fustan nuk zbres dot. Mora gërshërët, e preva fustanin dhe dola në skenë. Si përfundim atë natë, unë jam komentuar si veshja me keqe e gjithë festivalit”, ka theksuar Anxhela.

Po si reagoi Joni Peçi për veprimin e këngëtares që nga ana tjetër është dhe miku më i ngushtë i saj: “Mirë t’u bë se vetë deshe ta shkurtoje” – pohoi duke qeshur Anxhela për ngjarjen e ndodhur katër vite më parë.