Laporta: Gavi do të qëndrojë te Barcelona – Dembeles i kemi bërë ofertë, por ende nuk ka kthyer përgjigje

Presidenti i Barcelonës, Joan Laporta, ka thënë se klubi është afër arritjes së një marrëveshjeje të re për yllin e ri Gavi, ndërsa Osumane Dembele ka një ofertë në tavolinë për të qëndruar.

Mesfushori ka vetëm edhe një vit të mbetur në kontratë e tij aktuale dhe Blaugranat janë të etur për të siguruar të ardhmen e tij në Camp Nou.

Duke folur me gazetarët në një event, Laporta ishte i bindur se e ardhmja e lojtarit është te Barcelona.

“Ne jemi optimistë sepse duam që Gavi të qëndrojë te Barcelona. Ne jemi shumë të emocionuar që ai të qëndrojë, ai është nga akademia jonë. Lojtari dhe agjenti i tij, të cilët ne e njohim, gjithashtu duan të qëndrojnë në Barcelonë”.

“Ne jemi shumë afër arritjes së një marrëveshjeje”, deklaroi Laporta.

Laporta foli gjithashtu edhe për një tjetër çështje të nxehtë në klub, për Ousmane Dembelen, i cili është lojtar i lirë, por Barcelona i ka bërë atij një ofertë për të qëndruar.

“Dembele ka një ofertë për të qëndruar, por ne nuk kemi asnjë lajm se ai e ka parë këtë ofertë. Ne nuk kemi pasur një përgjigje nga ai”, deklaroi i pari i klubit. /Telegrafi/