Lajçak dhe Escobar diskutojnë situatën në Kosovë dhe rajon me ambasadorët e NATO-s

I dërguari i Posaçëm i BE-së për dialogun Kosovë – Serbi, Miroslav Lajçak, ka folur për takimin me emisarin e SHBA-së për BP-në, Gabriel Escobar në selinë e NATO-s.

Lajçak tha se pati një takim të dobishëm me zëvendëssekretarin e Përgjithshëm i NATO-s, Mircea Geoana.

Tutje theksoi agazhimin në dialog, në rrugën përpara për Kosovën dhe Serbinë.

“Diskutuam zhvillimet e fundit në dialog, duke përfshirë veriun e Kosovës, bashkëpunimin BE-SHBA-NATO dhe rrugën përpara. Mirënjohës për mundësinë për të adresuar gjithashtu bashkërisht çështjet në NATO”, shkroi Lajçak.

Ndërkaq, ditë më parë, njohësi i çështjeve të Ballkanit, Tim Judah, ka bërë një shkrim të gjatë rreth zhvillimeve të fundit në Kosovë, të cilin e ka titulluar “A do të përfundojë ndonjëherë lufta e Kosovës?”.

Në një pjesë të shkrimit, ai thekson se me gjithë lojën e rrezikshme të luajtur me barrikadat javët e fundit në veri të Kosovës dhe në Serbi, gjërat “nuk janë gjithçka fatkeqësi dhe errësirë”./Telegrafi/

Had a useful and timely meeting with NATO DSG @Mircea_Geoana and 🇺🇸 DAS Escobar today. We discussed the recent developments in the Dialogue, incl in north Kosovo, EU-US-NATO cooperation, and the way ahead. Grateful for the opportunity to also jointly address @NATO Ambassadors. pic.twitter.com/ZKds8hqHuD

— Miroslav Lajčák (@MiroslavLajcak) January 9, 2023