Dy skuadrat e tjera shqiptare, Laçi dhe Deçiqi, nuk kanë arritur të marrin më shumë se sa barazime në përballjet e tyre në Ligën e Konferencës.  

Laçi ka barazuar ndaj malazezëve të Iskras me rezultat 0-0 në “Elbasan Arena”.

Akinyemi, Guindo dhe Mazrekaj tentuan në disa raste që të gjenin rrugën drejt rrjetës, megjithatë ishin të pafat.

Edhe pjesa e dytë u dominua nga djemtë e Shpëtim Duros, të cilët e nisën këtë fraksion më kërkues, duke e mbajtur topin në gjysmëfushën e Iskras.

Në disa raste të njëpasnjëshme kurbinasit kërkuan të gjenin rrugën drejt rrjetës, por pa sukses.

Reklama

Ndeshja e kthimit në Mal të Zi do të luhet pas një jave, pra më 14 korrik në Podgoricë.

Në anën tjetër Deçiqi i Tuzit barazon me rezultat 1-1 me Dinamon e Minskut.

Reklama

Deçiq luajti në cilësinë e mysafirit në stadiumin në Podgoricë, ndërsa të enjten e ardhshme do të luajë si vendas po në Podgoricë ndaj Dinamos.

Futbollisti Stefan Denkoviq në minutën e 26-të kaloi në epërsi Deçiqin.

Skuadra nga Minski shpejt e barazoi rezultatin.  Sergey Kislyak në minutën e 33-të realizon për 1:1.

Fatos Beqiraj pati raste në minutën e 61-të dhe të 67-të.

Deçiqi tregoi lojë më të mirë por nuk pati fat për të mposhtur Dinamon. /Telegrafi/

Reklama