Labinot Sulejmani tregon pasionin e tij për palestrën dhe jep këshilla për një trup muskuloz (Foto)

Telegrafi Maqedoni ka biseduar me njërin nga sportistët më të suksesshëm në klasifikimin “Fitness dhe Bodyduilding” në Maqedoni, Labinot Sulejmanin për të kuptuar se sa është sakrifikues ndërtimi i një trupi të bukur dhe se sa i kushtueshëm është ky sport.

Intervistoi: Valon Osmani

Kur fillove të merresh me Fitness dhe Bodybuilding?
Me Fitness dhe Bodybuilding kam filluar të merrem që nga mosha 15 vjeçare . Pasi që në femijërinë time prindërit e mi merreshin me po të njejtin sport, andaj mua nuk me ngelej dicka tjetër përpos hekurit dhe peshave të rënda. Secilën herë kur më merrnin në palestër unë gjeja frymëzim në një ambient, kur shikoja njerëz që secilli kishte qëllimin të permirësoi veten, me një motiv të pamposhtur për të arritur deri në qëllimet e tyre në palestër për ndërtimin e një trupi muskuloz.

Sa është i kushtueshëm ky sport?
Harxhimet në botën e Fitnessit dhe Bodybuildingut janë të shumta. Në sferën profesionale mund të them qe është një ndër sportet më të shtrenjta! Të fillojmë nga ushqimi, ku mund të arrihet deri në konsumimin e shtatë racioneve ditore me ushqim. Përpos ushqimit, kemi dhe suplementimin e cila përbëhet prej më tepër komponentave: vitaminat dhe mineralet, suplemente sportive dhe shtojca të tjera. Në periudhën garuese poashtu secilli atlet duhet t’i mbuloj harxhimet e transportit, hotelit, participimit në garë si dhe participim për shtetin që e përfaqëson. Në vendet e jashtme këto harxhime për atletët profesional që përfaqësojnë shtetin mbulohen nga sponsorë të ndryshëm dhe dashamirë të sportit.

Sa ka ndikuar ky sport në përditshmërinë tënde?
Më shumë se sa që e kisha menduar! Në secilin sport për të arritur në majë duhet të sakrifikohet më së pari nga koha e lirë. Koha e lirë për shumicën e sportistëve është e harruar gjatë periudhës garuese. Personalisht secila ditë e imja është e planifikuar prej më herët, njejtë si ushtrimet dhe ushqimi përgjatë ditës. Koha me shoqerinë është shumë e kufizuar dhe në rast se planifikohet ndonjë shëtitje jashtë qytetit për mua nënkuptohet që një pjesë të ushqimit duhet ta marr me vete. Besoj se këtu shihet edhe mundi dhe sakrifica e sportistëve që flijojnë shumë nga vetja për të arritur ëndrrat e tyre.

Si e komenton interesimin që kanë të rinjtë për palestrën?
Personalisht tek të rinjtë shoh interesim të madh për Fitnessin dhe Bodybuildingun, palestrën në përgjithësi. Në këtë sferë mundohem t’i ndihmoj dhe ti keshilloj të rinjtë për rrugëtimin e tyre drejt fizikut të bukur dhe shëndetit të ëndrrave të tyre, edhe pse tek adoleshentët shihet fenomeni që duan te arrijnë në maje shumë shpejtë dhe në të shumtën e rasteve shumica dorëzohen përshkak se nuk kanë durim të mjaftueshëm.

Sa je i kënaqur me arritjet e tua nga pjesëmarrjet e ndryshme në gara sportive?
Për arritjet e mia flas rrallë sepse nuk dua që njerëzit ta ndërlidhin karakterin tim me titujt që kam fituar. Trajneri më ka thënë një fjalë që më përcjellë në cdo hap të jetës: Kampion mund të bëhet secili , por sportist i vertetë bëhet vetëm rrallë dikush! Jam krenar me arritjet e mia por asnjëherë nuk jam i kënaqur , më arsyetimin që gjithmonë të punoj më shumë dhe ta përmirësoj veten cdo vit më tepër.

Çka do të doje të bëje më mirë me vetën që do t’ua sugjeroje të rinjve?
Veten do doja ta motivoja më shumë, të punoj edhe me tepër dhe të përkushtohem me gjithë fuqinë time drejt ëndrrës sime. Rininë tonë dua ta shoh në majë të podiumit, sepse rinia jonë është ndër më të talentuarat! Me punë, mund dhe përkushtim të madh arrihet gjithçka si individualisht por edhe në punë ekipore. Mbetshi të fortë!

Labinot Sulejmani premton se në të ardhmen nuk do të ndalojë duke qenë pjesëmarrës nëpër evente garuese të këtij sporti, duke vazhduar traditën e tij të pjesëmarrjeve si nëpër gara shtetërore por edhe ato ndërkombëtare. /Telegrafi/