Me një të porsalindur në shtëpi, Kylie Jenner ka anashkaluar pjesën më të madhe të rrugës promovuese të shfaqjes së re të familjes së saj, “The Kardashians”.
Por, mogulja e grimit ka mahnitur me paraqitjen e saj të parë në tapetin e kuq pas lindjes së fëmijës në premierën e shfaqjes “Hulu”, në Goya Studios në Los Angeles të enjten mbrëma.
Motra më e vogël e familjes mbërriti më vonë se yjet e tjerë të spektaklit, duke bërë që të jetë në qendër të vëmendjes me një fustan lëkurë të ngushtë, i cili tregonte fizikun e saj të tonifikuar.
Kylie Jenner (Foto: MEGA)
Kylie, 24-vjeçe, pozoi para kamerës me fustanin e bardhë, që paraqiste një dekolte të prerë të stolisur me lule.
Kjo njëherësh ishte dalja e parë në tapetin e kuq për Kylie që nga lindja e fëmijës së saj të dytë, një djalë i cili lindi më 2 shkurt 2022.
Kylie Jenner (Foto: MEGA)
Kylie dhe partneri i saj, reperi Travis Scott, gjithashtu prindër të vajzës Stormi, katër vjeçe, kanë qenë më të distancuar në këtë periudhë, me mungesën e paraqitjeve të tyre publike gjithashtu pas tragjedisë së koncertit të “Astroworld”, ku mbetën të vdekur dhjetë persona.
Djali i Kylie dhe Travis quhej Wolf, por që atëherë ata kanë vendosur ta ndryshojnë atë dhe nuk kanë zgjedhur ende të publikojnë emrin e ri. /Telegrafi/
Kylie Jenner (Foto: Instagram)
