Kuvendi i Maqedonisë ka shqyrtuar disa ligje, votimi do të caktohet në mënyrë plotësuese

Deputetët e vazhduan seancën e 29-të këtë pasdite, në të cilën në rend të ditës janë disa ligje nga fusha të ndryshme. Deputetët në përgjithësi nuk ishin të interesuar të diskutojnë, përveç Propozim-ligjit për ndryshimin dhe plotësimin e Ligjit për themelimin e Komisionit Shtetëror për Vendimmarrje në procedurën administrative dhe procedurat nga marrëdhënia e punës në shkallën e dytë, në leximin e parë dhe Propozim-ligjit për Agjencinë e Kundërzbulimit, me procedurë të shkurtër. Deputetët nuk votuan dhe votimi për ligjet do të kryhet më tej.

Në seancë, debati i përgjithshëm për disa propozim-ligje në leximin e parë përfundoi dhe u arrit në një konkluzion se ato mund të jepen për më tej, pra për lexim të dytë komisioneve përkatëse parlamentare, dhe votimi për këto ligje do të kryhet në mënyrë plotësuese.

Meqenëse nuk kishte përfaqësues nga Qeveria për pikat e radhës në rendin e ditës, Xhaferi e ndërpreu seancën dhe njoftoi se deputetët do të informohen në mënyrë shtesë për vazhdimin e saj.

Kuvendi sot e miratoi Ligjin për regjistrimin e popullsisë, amvisërive dhe banesave në vitin 2021.