Kush ka nevojë për një kod?! Pas kësaj videoje, do të mendoni dy herë përpara se të lini para në një kasafortë hoteli

Kasafortat e hotelit janë vendi më i mirë për të ruajtur sendet me vlerë, dokumentet dhe paratë, apo jo? Nëse TikTokerit, Leo Lanier duhet t’ia besoni një gjë të tillë, nuk është kështu.

Një djalë nga Las Vegas publikoi një video që shkaktoi shumë vëmendje tek përdoruesit, duke treguar se sa e lehtë është të zhbllokosh një kasafortë pa fjalëkalim.

“Mendoni se gjërat tuaja me vlerë do të jenë të sigurta në kasafortën e dhomës së hotelit kur të bëni kombinimin tuaj?” tha ai.

Ai futi hekurin dhe disa para brenda, mbylli derën dhe goditi kodin, për të treguar se brava ishte mbyllur.

@leo..lenier Watch this …#4u #parati #paravc #pourvous #trick #hotelsafe #usa #tiktok #viral #gettoknowme #code ♬ original sound – Leo. Lenier

Megjithatë, me një truk të thjeshtë ai rivendosi fjalëkalimin dhe kasaforta u hap.

“Nëse shtypni dy herë butonin e kyçjes, fjala ‘super’ do të shfaqet në ekran. Pas kësaj shtypni zero gjashtë herë dhe dera do të hapet”, shtoi ai.

Videoja ka shqetësuar shumë përdorues dhe është parë më shumë se 1.5 milion herë.

“Nga sot mbaj kasafortën time kur shkoj me pushime”, “Faleminderit që zbuluat para botës”, “Tani është edhe më pak e sigurt”, lexojnë disa nga komentet.

Megjithatë, individët theksuan se e kanë provuar trukun në dhomat e tyre të hotelit, por nuk ka funksionuar. Ka shumë të ngjarë që të jetë e zbatueshme vetëm për modelin në video. /Telegrafi/