Kryetarja e Alternativës, Mimoza Kusari-Lila, ka bërë thirrje që sa më shpejtë të formohet Qeveria e re e Kosovës.
Ajo përmes një shkrimi të bërë në llogarinë e saj në Facebook, ka shkruar se shpresa ishte ajo që nxori qindra mijëra votues që kërkuan ndryshimin, të dalin të votojnë më 6 tetor, duke shtuar më tej se ajo shpresë po humbet çdo ditë me mos arritjen e marrëveshjes për bashkëqeverisje.
Kusari-Lila po ashtu ka bërë publike një bisedë me një qytetare, e cila ka treguar se djali i saj është larguar nga Kosova për një jetë më të mirë, duke shprehur gjithashtu shqetësimin e saj lidhur me vonesat në krijimin e Qeverisë së re.
Shkrimi i plotë:
“Edhe një Lamtumirë
Mirëmëngjesi, e përshëndeta si çdo ditë tjetër, ndërsa prita buzëqeshjen e saj sikur jam mësuar. Ajo uli kokën dhe më përshëndeti: Mirëmëngjesi, me zë të pikëlluar dhe kokën e ulur.
– Si je sot? E pyeta
– Mirë me thënë, ma ktheu
– Pse, çfarë ndodhi? vazhdova unë
– U nisë djali për Francë, sot në mëngjes, më treguan se është nisur me disa lidhje, e puna e pret atje
– E familjen? Çfarë po ndodhë me gruan dhe vajzat? E pyeta unë
– I merr edhe ato pas gjashtë muajve…. Dhe loti i ra në faqe e sytë ju mjegulluan me mendimin se edhe reja me mbesa së shpejti do të marrin të njëjtën rrugë.
– Hajt se bëhet mire, u mundova ta ngushëlloj unë, kthehet djali e ndoshta edhe ju shkoni e vizitoni.
-po, po dikur bohët me tha me kokën ulur e mosbesimin në zërin e saj.
Gruas të cilën e takoj çdo mëngjes në shkallët e banesës, tashmë gjysma e familjes i kanë dalë jashtë, vëllai, mbesat e tani filluan edhe fëmijët e saj. Djali i madh ishte me punë në një komunë të vogël të Kosovës, por monotonia dhe mungesa e shpresës e shtynë të linte punën dhe të zgjedhë migrimin në këtë Janar të dekadës së re.
E deri sa u përshëndeta unë për të vazhduar orarin tim, më pyeti:
– A ka mori diçka të re në marrëveshje për Qeverinë?
– Bohet se shpejti, u mundova t’a ngushëlloj veten dhe gruan
– Për këta fëmijët tonë nëse bohet se neve na iki treni, ma ktheu.
E derisa po zbrisja shkallët të vazhdoj rrugën time, ajo vazhdoi: Vallahi që nuk bohet, kurkush s’ka me dalë me votu. Janë lodhë njerëzit edhe mo sen nuk presim prej këtij vendi.
– S’ka çare pa u bë më mirë, u mundova ta përmbyll me pozitivitet këtë bisedë tonën.
Në secilin ndryshim politik a shoqëror, shpresa e qytetarëve është faktori përcaktues se a do të ndodhë ndryshimi apo jo. Shpresa ishte ajo që nxori qindra mijëra votues që kërkuan ndryshimin, të dalin të votojnë me 6 Tetor. Ajo shpresë po humbet çdo ditë me fytyrat e ngrysura të liderëve pas mos-suksesit të arritjes së marrëveshjes së koalicionit për Qeverinë e re.
Sa rritet çdo ditë numri i lamtumirave të Nënave për bijët dhe bijat e veta të cilët vetëm kanë hequr dorë nga jeta në Kosovë, shpresa eksponencialisht humbet se vendi ka shans për progres.
Andaj, kjo thirrje për marrëveshje, nuk është vetëm sa për të pasë Qeverinë dhe për të ndarë postet në mes partive në pushtet. Kjo thirrje është për të mbajtur shpresën gjallë për Kosovën dhe për të ndalë lamtumirat dhe fytyrat e përlotura të nënave për fëmijët e tyre”./Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre