Kryeministri i Kosovës, Albin Kurti, ka deklaruar të mërkurën se nuk është i informuar për hetimet që sic u raportua ditë më parë, po kryhen nga Task Forca anti-korrupsion për disa ministra.
“Betimi për Drejtësi” raportoi rreth dy javë më parë se kjo njësi e Policisë së Kosovës, aktualisht është duke hetuar së paku pesë ministra dhe një zëvendësministër të Qeverisë Kurti.
Bëhet fjalë për ministrat Elbert Krasniqi, Hekuran Murati, Rozeta Hajdari, Hajrulla Çeku, Donika Gërvalla si dhe zëvendësministrin Hysen Durmishi.
“Nuk jam i informuar për këto hetime që po thuhet se po bëhen nga Task-Forca”, ka thënë shkurt kryeministri në një konferencë të përbashkët për media me ministrin e Administrimit dhe Pushtetit Lokal, Elbert Krasniqi.
E ky i fundit para gazetarëve ka thënë se nuk është ftuar nga asnjë organ hetues për intervistim, ndërsa lajmin e publikuar e ka cilësuar si të sponsorizuar.
“Gjithçka që ne dimë janë ato që po i kuptojmë në media, nuk kam informacione më shumë mbi ato hetime potenciale. Këtë e kam kuptuar nga një portal. Kam bërë edhe një reagim publik për këtë situatë”, ka deklaruar Krasniqi.
“Ajo që mund të them për këto hetime përpos gjyqit publik që po na bëhet neve ministrave, është që unë nuk kam pranuar asnjë ftesë e asnjë informacion shtesë nga asnjë organ hetues. Një media ka bërë një lajm të sponsorizuar e as nuk e ka marrë mundin të më pyes se cili është mendimi apo qëndrimi im rreth kësaj”.
Tutje, ministri është shprehur se nga mediat e ka kuptuar që bëhet fjalë për financimin e Kuzhinave Humanitare.
“Si qeveri jemi shumë të lumtur dhe krenar që kemi pasur mundësi t’i mbështesim këto Kuzhina Humanitare. Por, Ministria e Administrimit dhe Pushtetit Lokal nuk i ka financuar e as mbështetur ato për shkak se ne jemi të orientuar kah komunat e Kosovës. Kjo bëhet nga Ministria e Financave dhe për shpërndarjen e mjeteve për këto Kuzhina Humanitare ka ekzistuar një komision profesional, sigurisht jo politik”, ka thënë tutje Krasniqi. /Telegrafi/
Lufta Prigozhin - Putin
Më shumëParlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Rama: Problemit të mbeturinave në kryeqytet i erdhi fundi
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mesiq: Vuçiq si Millosheviqi, por “Serbia e Madhe” nuk do të bëhet
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Zëdhënësi i Qeverisë i kundërpërgjigjet Listës Serbe: Kamerat në veri janë në shërbim të sigurisë publike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë