LAJMI I FUNDIT:

Kurti pas telefonatës me Macron: Besojmë që Franca ta mbështesë Kosovën në KiE pa parakushte

Kurti pas telefonatës me Macron: Besojmë që Franca ta mbështesë Kosovën në KiE pa parakushte

Kryeministri Albin Kurti, e ka bërë të qartë optimizmin e tij për mbështetjen e Francës në rrugën e Kosovës drejt integrimit në strukturat evropiane.

Pas një bisede telefonike me Presidentin e Francës, Emmanuel Macron, Kurti ka theksuar besimin e tij se Franca do të qëndrojë në krah të Kosovës në Këshillin e Evropës pa kërkesa shtesë.


“Në një telefonatë me presidentin Macron, e falënderova për mbështetjen e palëkundur të Francës për Kosovën dhe shpreha besimin tonë se Franca do të mbështesë Kosovën në Këshillin e Evropës, pa parakushte të mëtejshme, në përputhje me opinionin e Asamblesë së Këshillit të Evropës dhe votën historike,” shkroi Kurti në një postim në platformën X.

Ai shtoi se Macron ka insistuar në respektimin dhe zbatimin e plotë të marrëveshjeve ekzistuese.

Macron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit
Lexo po ashtu Macron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit

Nga ana tjetër, në një komunikatë të dalë nga pallati presidencial i Francës, është vërejtur që Presidenti Macron ka nënvizuar domosdoshmërinë e progresit të shpejtë dhe të pakthyeshëm në zbatimin e marrëveshjes për formimin e Asociacionit të Komunave me shumicë serbe.

Ky zbatim vlerësohet si një çështje kyçe, edhe në kontekstin e përpjekjeve të Kosovës për të arritur anëtarësimin në Këshillin e Evropës.

Kjo zhvillim vjen pasi Kosova pret për t’u bërë pjesë e familjes së Këshillit të Evropës, një hap që do të theksonte përkushtimin e vendit për t’i përmbushur standardet evropiane dhe për të forcuar më tej legjitimitetin dhe pozitën e tij në skenën ndërkombëtare./Telegrafi/

Në trend Lajme

Më shumë
Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Lajme
Vërshohet Podujeva pas reshjeve të shiut, Bulliqi akuzohet për keqqeverisje

Vërshohet Podujeva pas reshjeve të shiut, Bulliqi akuzohet për keqqeverisje

Lajme
Berisha “non grata” në Britani - brenda katër javësh gjykata shpall vendimin

Berisha “non grata” në Britani - brenda katër javësh gjykata shpall vendimin

Lajme
“LDK refuzon farsën e darkave” - Abdixhiku thotë se PDK u instrumentalizua nga pushteti, kërkon dorëheqjen e Qeverisë Kurti

“LDK refuzon farsën e darkave” - Abdixhiku thotë se PDK u instrumentalizua nga pushteti, kërkon dorëheqjen e Qeverisë Kurti

Lajme
KFOR-i mohoi se ishte përfshirë në largimin e terrositëve nga Banjska - Grupi Ndërkombëtar i Krizave ndryshon raportin

KFOR-i mohoi se ishte përfshirë në largimin e terrositëve nga Banjska - Grupi Ndërkombëtar i Krizave ndryshon raportin

Lajme
Mashtrimet e mundshme ndaj pensionistëve, Policia dhe Prokuroria nisin hetimet

Mashtrimet e mundshme ndaj pensionistëve, Policia dhe Prokuroria nisin hetimet

Lajme
Kalo në kategori