“Kurrë në asnjë klub nuk më kanë mbetur borxh”, Malsor Gjonbalaj flet për periudhën si futbollist

I ftuari i radhës në podcastin “Arena e Yjeve” në Telegrafi ka qenë ish-futbollisti i njohur Malsor Gjonbalaj, i cili ka diskutuar për një gamë të gjerë temash, ku mes të tjerash ai ka folur për ekipet në të cilat ka luajtur sa ka qenë aktiv në futboll.

Gjonbalaj fillimisht ka përmendur Besën e Pejës dhe Prishtinën si dy ekipet në të cilat ai i ka pasur fillesat e tij të karrierës dhe formimin e tij si futbollist.

Megjithatë ai ka thënë se nuk bën dallime mes klubeve ku ka luajtur dhe se ka kaluar shumë mirë ku do që ka luajtur.

“Besa dhe Prishtina mbeten si dy ekipe të fillesave të para dhe të një etablimi si futbollist edhe sigurisht kam emocione të mëdha, megjithatë, nuk bëj dallim mes klubeve”.

“Secili klub ka pasur qëllimet e veta dhe unë në secilin klub kam kaluar jashtëzakonisht mirë. Pastaj unë kam tentuar që të mbijetoj edhe nëpërmjet pagave ashtu siç kanë qenë herë të vogla herë të mëdha”.

Tutje profesori universitar ka falënderuar të gjitha klubet ku ka luajtur në karrierë, duke thënë se përkundër vështirësive të kohës, asnjëra prej tyre nuk i ka mbetur borxh.

View this post on Instagram

A post shared by Telegrafi Sport (@telegrafisport)

“Asnjë klub nuk më ka mbetur kurrë borxh dhe unë i falënderoj të gjithë sepse e di që ka qenë një kohë e vështirë”.

“Të gjitha ato klube, të gjitha ato kryesi unë i falënderoj sepse unë asnjëherë nuk kam pasur problem me pagesa”, përfundoi Gjonbalaj.

Nëse dëshironi që ta ndiqni podcastin e plotë të dy gazetarëve Lavdim Pireva dhe Romak Zeqiri me mysafirin e ftuar, më poshtë gjeni linkun e YouTube./Telegrafi/