Infeksioni mykotik është një nga infeksionet më të përhapura tek femrat. Çdo femër, të paktën një herë në jetë, por ka edhe raste të tjera të cilave u përsëritët herë pas here, ndërsa mund te shfaqet edhe tek vajzat e vogla.
Infeksioni mykotik vaginal njihet ndryshe edhe si Candida, transmeton Telegrafi.
Kjo është një kërpudhë e zakonshme e pranishme në gojë, vagjinë, pore, lëkurë dhe traktin tretës. Kur është në sasi të vogla ky bakter nuk shkakton asnjë problem, por në rastet e një ulje të imunitetit për shkak të një sëmundje, diabetit, mbipeshës, shtatzënisë dhe përdorimit të antibiotikëve, ky infeksion mund të rëndohet.
Është normale që në trup të ketë kërpudha dhe tharm. E mbajnë nën kontroll florën e rregullt të përbërë nga bakteret vagjinale. Mirëpo, nganjëherë ajo baraspeshë çrregullohet dhe tharmi shumëfishohet shpejt dhe e shkakton infeksionin.
Ekzistojnë disa situata në të cilat tharmi mund të shumëzohet. Për shembull ilaçi antibiotik mund ta mbysë bakterin që e mban në rregull nivelin e tharmit. Kushtet në të cilat shkaktohen ndryshimet hormonale, siç janë: menopauza, shtatzënia, marrja e tabletave kontraceptive, diabeti gjithashtu, mund të shkaktojnë rritje të nivelit të tharmit.
Cilat janë simptomat?
Sekrecionet nga vagjina që janë te bardhë dhe duket si brumë ose si djathë.
Simptomat e tjera: kruarja, skuqja në pjesën e jashtme të vagjinës, djegia gjatë urinimit.
Disa gra të infektuara me candida mund të mos kenë kurrfarë simptomash. Tek mashkulli tharmi mund të shkaktojë ënjtje dhe skuqje në penis.
Si mjekohet? Aplikohet trajtimi me ilaçe. Infeksioni mund të mjekohet për disa ditë gjatë javës.
Si të kujdesemi për vetveten?
– Hiqni dorë nga marrëdhëniet seksuale derisa të mjekohet infeksioni.
– Ndiqni udhëzimet e mjekut për shfrytëzimin e ilaçeve.
– Hiqni dorë nga ushqimi me shumë sheqer.
– Mbani veshje të pambukta dhe ndërroni ato sa më shpesh.
– Hiqni dorë nga përdorimi i produkteve higjienike, siç janë shamponat, sprejet etj. në regjionin vagjinal. Përjashtohen rastet nëse këtë ua ka rekomanduar mjeku.
– Mbajeni të thatë zonën gjenitale.
– Dobësohuni, nëse jeni tepër mbipeshë.
– Nëse jeni me diabet, kushtoni kujdes nivelit të
sheqerit në gjak.
– Përpiquni që të konsumoni kos. Disa gra kanë dëshmuar se kosi ndihmon për ta penguar shtimin e tharmit.
– Vizitoni mjekun tuaj, nëse përsëritet infeksioni i tharmit në afatin prej dy muajve ose nëse infeksioni vazhdon të jetë edhe më tutje, me gjithë mjekimin.
Kura natyrale
Kosi është një nga produktet më të mira që bllokon shtimin e infeksionin mykotik. Thjesht ngrënia e kosit të ndihmon në parandalim, por edhe nëse lyeni një tampon me kos dhe e fusni brenda në vagjinë dy herë në ditë është një mënyrë për ta kuruar.
Soda e bukës është shumë e mirë për shpëlarje nga jashtë. Mbi të gjitha për vajzat e reja, mbushni një legen me ujë të ngrohtë dhe tretni në të pak sodë buke. Uleni brenda në legen për
disa minuta.
Edhe hudhra ndihmon në këtë rast.
Gjithashtu, vaji i holluar i pemës së çajit të gjelbër mund të përdoret për trajtimin e mykut vaginal.
Por në rastet kur nuk vërehet përmirësim, duhet marrë mjekimi i duhur të cilin do t’jua japi gjinekologu juaj. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën